We-ɛɛla 5:17 - mzwDBL

¹⁷ Kɛ Sɔfonomoa la ne o nɛra baa ɛ Saduki tena la bwa aa na toma Yeesu toroma la aa dɛ tomɛ la, a ɛɛ ba bɔweela kohona,

We-ɛɛla 5:17 ပူးပေါင်းရင်းမြစ်များ

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

We-ɛɛla 7:9

Dɛ Jekɔb bii la aa ba nime Josef la waa nyin, dɛ kpɔ bɔweela yoɡu tɛ Ijipt tena, asɛ ba ka kpɔɔ ɛ ba yom. Dɛ Korowii teŋɛ Josef nɛ,

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

Amanesoma Jɔn Aa Chwera Tɔn 12:10

Anomanta, Sɔfonomonome la vɔrɔwɔ kɛŋɔ bá kpo Lasorɔs ɡba,

Matiu 27:18

Dɛ o ɡbabir jemɔ kɛŋɔ bɔweela waa ba che Yeesu nɛɛ pɛɛpɛɛ dɛ kpɔɔ ba o be la.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Job Tɔn 5:2

Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

Galaasia 5:21

ne bɔweela, ne dɛɛra dɛ́ dɛɛ do ɡbɔɡa kohona, dɛ wesale aa do ken nɔ. N fa ŋɔ he be wubwa ŋɔ hé nyiŋi kɛrɛdɛ, dɛ ŋɔ nɛra baa dɛ ɛ ɡɛ waa nɔ la, baa Korowii Kora la ta jae ba. N berɔ kwaa dɛɛ lii heyaa ja.

We-ɛɛla 15:5

Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”

We-ɛɛla 4:26

Ba koranar kpɔ ba te, dɛ ir che dɛɛ vɔrɔwe Korowii ne o Kristo la vɔrɔwa.’

We-ɛɛla 4:6

Ba ne Sɔfonomoa Anas ne Kaefas, ne Jɔn, ne Alɛksanda ne Sɔfonomoa dea nɛra la bwaa chema.

Amanesoma Jɔn Aa Chwera Tɔn 12:19

Belaa Farisii tena la bol dɔŋa be ŋɔ, “Hɛlaa yaa hɛlɛ la! Yaa won ɛo wobɛlbwa noo! Na nɛra bwa aa wura teŋɛ o nɛɛ ɡɛ!”

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

We-ɛɛla 5:16

Asɛ nɛra le Jerusalam bwɛjeɡre la ta dɛ ba pirim, dɛ che weela tena ne nɛra kwaa aa dɛ ir ba nɛɛ bwa ba, asɛ ba bwa dɔ bokpeɡa.