We-ɛɛla 5:14 - mzwDBL

¹⁴ Dɛ balaa nɛra ɡe den na dɛɛ ba, dɛ baa ja ba nɛ. Dɛ ba bini baala ne haahna bwaa dɛɛ ba, dɛ kpɔ ba te tɛ Yeesu.

We-ɛɛla 5:14 ပူးပေါင်းရင်းမြစ်များ

2 Samoɛl 6:19

Belaa o kpɔ paanoo ne daa nɔna ane aa hola dɛ ɛ nɔndel, dɛ ɡrepo daa nɔna aa hola nɔndel tɛ Israel haah ne baa te bɛlbwa. Asɛ bɛlbwa berɛ kaa o dem.

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Kaala 35:22

Baala ne haahna bwa le ba bambile ta kpɔ suuɡaswɛm kwaa kɛŋɔ deŋna kwa, noniseɡa ne jɔɡrɔre bwa soo siwi ba. Ba bwa ɡɔɔra nyundua dɛ viiɡa men Korowii sie.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

We-ɛɛla 11:24

Dɛ Banabas ɛ nɛndɛɛɡe asɛ Korowii Domadɛɛɡe ɡe so o nɛɛ kpeɡri nɛ. Dɛ o dɛ yarada Yeesu taeh dɛ kpɔ o te tɛo. Anomanta, nɛra charɛ ba liire pirim dɛ ba tomɛ Yeesu.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 22:4

Dɛ n fa cheɡɛ nɛra baa teŋɛ ɡɛ ŋwɛnɛfale nɔ ta nɔ nɛɛ dɛɛ nyin ba dɛ́ kpo, dɛ lawɛ ba baala ne haahna bwa do deene.

We-ɛɛla 4:4

Nɛra baa lɔ bela dɛɛ no waa la dɛ yaradaa warɔ. Dɛ baala baa yarada waa la lɔ nɛra kaɡboŋa banue.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 8:12

Baa bera ba no Amanesoma waa Felep aa dɛ bol dɛɛ baɡle Korowii Kora ne Yeesu Kristo waa la, ba yaradao. Dɛ ba ne ba haahna bwa dɛ ba baa sɔ ba Korowii ne.

We-ɛɛla 8:3

Sɔɔl ɡe ɛ wobɛlbwa waa won dɛ́ chɔɡ asɔre tena la waa bwa, dɛ jo bela deremi bwa ta dɛ tɛɡre ba bini baala ne haahna bwa kaa do dea.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

We-ɛɛla 9:35

Nɛra baa lɔ Leda ne Sarɔn bwa na baa la dɛ charɛ ba liire, dɛ teŋɛ Yeesu nɛ.

We-ɛɛla 9:42

A ɡɛ waa nɔ perɛ Jopa bwa, asɛ nɛra kɛrɛdɛ che a ta dɛ yarada Yeesu waa la.

2 Kɔrent 6:15

Yeesu Kristo ne Bɔnsam ɛɛ wonoo pɛ a maɡre aa? Nɛra baa yarada Yeesu Kristo ne banɔ la baa wola on yaradae aa won pɛ a maɡre!

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.