We-ɛɛla 5:13 - mzwDBL

¹³ Dɛ nɛra baa wola Yeesu waa yarada la dɛ kpɛɛ ba kɛrɛdɛ. Kɛ dɛ ba dɛ ɔmɛ kɛŋɔ bá ba puu ba dɛɛ so Solomɔn Pato ta bela.

We-ɛɛla 5:13 ပူးပေါင်းရင်းမြစ်များ

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Amanesoma Luk Aa Chwera Tɔn 19:48

kɛ ba ta ɡɛ baa ɛ dɛ́ dɔɔ nae, dɛkalkɛŋɔ dɛ o wobol dɛ do nɛra bwa som, baa wola won kaa dɛ́ ɡel o wobol, dɛ che dɛɛ no.

Amanesoma Jɔn Aa Chwera Tɔn 12:42

Juu tena nomonome kɛrɛdɛ ɡba yarada Yeesu, kɛ baa dɛ ɔmɛ Farisii tena nomanta, ba ta bolɛ nomɛlbwa no, dɛkalkɛ dɛ ba bolaa, aa ɡeloo ba doŋ ba cheremi dea joe.

Amanesoma Jɔn Aa Chwera Tɔn 19:38

Anɔ bwa habɔɔ la, baa bɛl waa le Arimatea baa yerɔ Josef la Paelet be dɛ ka soŋo Yeesu lale. Dɛ a ɡɛ Josef nɔ dɛ teŋɛ Yeesu nɛ, kɛ o koh Juu tena ɔma waa dɛɛ sɔh o te a ɡɛ bɔr. Paelet tɛo ŋwɛnɛ ŋɔ ó ka kpɔ lale la kaa, asɛ o ka kpɔɔ kaa.

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

We-ɛɛla 19:17

Juu tena ne Grik tena baa lɔ Ɛfesos la bwa no ɡɛ waa nɔ, asɛ ɔmee laɡ ba kɛrɛdɛ. Gɛ waa nɔ aa chiɡa la, bela tena ta Yeesu waa la wesale liire kpa. Ba ɔmɔ kɛrɛdɛ.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 4:21

Belaa nomonome la kwaa aah ba kohona ɡwaa loɡla la, dɛ ɡel ba. Ba nao kɛŋɔ ba ŋɔ bá ham ba ŋwɛnɛ bɛlbwa ta naa, nɛra la aa ban sɛh,

We-ɛɛla 5:26

Asɛ nomoa waa chɔ nɛra baa dɛ nyiŋi Korowii Dea doonyoo nyoa la ne o nɛra la dɛ ka lawɛ Yeesu toroma la ba. Dɛ ba dɛ ɔmɛ kɛŋɔ dɛ ba kpɔ kpeɡri laɡ ba aa, ba bwɛɛ tena la baah ɛɛ diu bá ta bwea foɡ ba. Anomanta, ba laɡ ba kaa jeiih ken.

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

2 Kɔrent 10:15

Yaa nyin kɛ ya ɡarɛ bela Korowii aa maɡa tɛ yaa. Toma yaa ɛa la, anee ya kpɔ dɛɛ maŋkura ya te. Toma nɛra bane aa ɛa la, yaa an kpɔe dɛɛ maŋkura ya te. Ya dɔ hwɛɡa kɛ he yarada ɛɛ kaa siee, ásɛ toma yaa dɛ ɛ he bini la ɛɛ ja dɛ kaa sie.