We-ɛɛla 4:7 - mzwDBL

⁷ Asɛ ba kpɔ Pita ne Jɔn ba che nɛra la baah ta, dɛ bɔɔ ba ŋɔ, “Kpeɡri besoo he dɔ dɛ ɛ ɡɛ nɔɔ? Ume sɔn taa he che ɛ ɡɛ waa nɔɔ?”

We-ɛɛla 4:7 ပူးပေါင်းရင်းမြစ်များ

Kaala 2:14

Anee o chaŋe ŋɔ, “Umee cheɡe kora ta ŋɔ hé baa nyiŋi ya nɛɛ dɛ́ bol ya waa dɛɛ pa bole ɔ? He dɛ nyin he kpo mɛ ɡɛ haa kpo Ijipt te la kɛɛ?” Ate, Mosis ɔmɛ, dɛ lii kɛŋɔ, “Jamɔ nɛra na n waa maa ɛa la.”

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Amanesoma Mak Aa Chwera Tɔn 11:28

dɛ ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Amanesoma Jɔn Aa Chwera Tɔn 2:18

Belaa Juu tena nomonome la ŋɔ o be ŋɔ, “Bɔkwa nyokpowaa hɛɛ ba wona ɛ dɛ́ chaɡle kɛŋɔ he dɔ ŋwɛnɛ dɛ́ won ɛ a ɡɛ waa nɔɔ?”

Amanesoma Jɔn Aa Chwera Tɔn 8:3

Asɛ Tɔnjerema ne Farisii tena lawɛ haah bɛl waa dɛ bɔ jwamane dɛ ba o ne Yeesu be, dɛ ɡel o ba che ba bwa baah ta.

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

We-ɛɛla 4:10

amɔ te hé no, ásɛ Israel tena bwa no, kɛŋɔ Yeesu Kristo waa le Nasarɛt, haa kpoo daɡaɡre ta asɛ Korowii iru seo ta la, o sɔn kpeɡri taa a che baa nɔ waa cheɡa nɔ dɔ bokpeɡa la.

We-ɛɛla 4:6

Ba ne Sɔfonomoa Anas ne Kaefas, ne Jɔn, ne Alɛksanda ne Sɔfonomoa dea nɛra la bwaa chema.

We-ɛɛla 4:8

Belaa Korowii Domadɛɛɡe la ir Pita nɛɛ kpeɡri nɛ, asɛ o ŋɔ ba be ŋɔ, “Bwɛɛla sitɔɔla ne nomonome,

We-ɛɛla 5:40

Ba yerɛ Yeesu toroma la jo dea, dɛ lɔɔ ba chweremi ne, dɛ kwaa aah ba ŋɔ ba bɛ too kpɔ Yeesu sɔn bol waa kpa, dɛ kpɔ ba ta.