We-ɛɛla 4:29 - mzwDBL

²⁹ N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

We-ɛɛla 4:29 ပူးပေါင်းရင်းမြစ်များ

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Wiile 3:50

ka tel kɛŋɔ Korowii ɡbaɡba aa le nyundua dɛ na.

Wiile 5:1

N Naa Korowii, lii ya wa dɛ́ na waa aa pu yaa. Nyiŋi dɛ́ na ɡɛ sihiih aa kpo yaa.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 14:3

Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 26:26

N Naa kooro Aɡrepa te jemɛ waa maa dɛ bol nɔ bwa. A waa maa wola waa bola o sie ɔmɛ la. N jemɔ kɛŋɔ a bɛlbwa ta o habɔɔ leɛ, dɛkalkɛŋɔ a bɛlbwa ta waa baa sɔah ɛ ɛɛ.

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 4:21

Belaa nomonome la kwaa aah ba kohona ɡwaa loɡla la, dɛ ɡel ba. Ba nao kɛŋɔ ba ŋɔ bá ham ba ŋwɛnɛ bɛlbwa ta naa, nɛra la aa ban sɛh,

We-ɛɛla 4:31

Baa soŋe Korowii tonɛ la, dea baa lɔ o bini la jiɡro. Korowii Domadɛɛɡe baa so ba nɛ, asɛ baa bol Korowii Waa la bansua bwa ne.

We-ɛɛla 9:27

Belaa Banabas tɔ o sie dɛ kpɔɔ ba Yeesu toroma la be, dɛ baɡle ɡɛ Sɔɔl aa dɛ ba ŋwɛnɛ ta dɛ ba na Yeesu asɛ o bol waa o be. Banabas baɡle ɡɛ Sɔɔl aa wona bol waa Damaskɔs bambile ne Yeesu sɔn ta.

We-ɛɛla 9:28

Ate, dɛ Sɔɔl ne asɔre tena laanee dɛɛ ɛ wobɛlbwa Jerusalam bela. O bol waa bambile ne Yeesu sɔn ta.

1 Kɔrent 14:13

Naate waa cheɡɛ Korowii Domadɛɛɡe kpeɡri ta dɛɛ bol wobofala la, ó soŋe Korowii ásɛ o chao ó won dɛɛ baɡle a mun.

2 Kɔrent 3:12

Ya dɔ hwɛɡa ɡɛ waa nɔ ta, anomanta, yaa ɔmɛ.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.