We-ɛɛla 4:19 - mzwDBL

¹⁹ Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

We-ɛɛla 4:19 ပူးပေါင်းရင်းမြစ်များ

1 Koranar 12:30

Gɛ waa nɔ ɡelɔ nɛra ɛ wechɔɡa, ba la Dan ne Bɛtel kaa toma.

1 Koranar 13:19

Anomanta, o laa berɛ dɛ teŋɛ o nɛɛ ba dem, dɛ ba di kwaa dɛ nyɔ ne.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 21:11

Ate, nomonome ne banɔ la baa soɡe nomombɔra Jesreel la ɛ ɡɛ Jɛsɛbɛl aa chwerɛ tɔne, dɛ do ba ŋɔ bá ɛ la.

1 Koranar 22:14

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

2 Koranar 16:15

Anee Kooro Ahas ŋɔ sɔfo Uria be ŋɔ, “Chɔɔbɔr sarahare baa fuah ne mea sarahare baa ɛa jɔmɔra, ne kooro sarahare waa fuah ne mea sarahare ne harɛ la nɛra bwa sarahare baa fuah, ne mea sarahare dɛ sen sarahare bwa la, ɛa saraha konjen onfale la ta. Kpɔ kwaa baa kpoora fuh ɛ saraha la chal merɛ saraha kon la ta. Kɛ saraha kon baa kpɔ ayaawa ɛo, dɛ kpoo kwaa dɛɛ ɛ saraha o ta la te, ó ɛ n ɡbo kon ń kpɔ dɛɛ voɡɛ.”

2 Koranar 16:16

Asɛ sɔfo Uria ɛ ɡɛ Kooro Ahas aa doo ŋɔ ó ɛ la.

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Kaala 1:17

Haahna la baa dɛ lɛ haahna lol la dɛ ɔmɛ Korowii, anomanta, ba ta ɡɛ Ijipt kooro aa ŋɔ ba be la ta teŋɛ. Ba ɡelɔ bii la do le.

Jeremia 26:12

Ate, n ŋɔ nomonome la bwa ne nɛra la be ŋɔ, “Korowiirii tom mɛ ŋɔ ń ba bol waa aa dɛ ba Dea nɔ ne bwɛjen nɔ ta baɡle heya.

Daneɛl 3:18

N naa kooro, hale dɛ Korowii ta yaa ba lɛɛ kwaraa naa, yaa he voɡa kɛɛ kon haa kpɔ suuɡaswɛm kwaaro laanee tomɛ.”

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Emɔs 7:16

Hé no waa Korowii aa dɛ bol he be. He ŋɔ, ‘Bɛ Korowii waa la bol, ɡel waa aa dɛ ba Israel tena nɛɛ bala la waa bola. Ásɛ dɛ ɡel waa bola dɛ́ yaɡɛ Aesek dea tena.’

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Matiu 22:21

Anee ba chaŋo ŋɔ, “Koojen Siisa nyu ne o sɔnee.” Anee Yeesu ŋɔ ba be ŋɔ, “Gɛɛ a do te naa, hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

Amanesoma Luk Aa Chwera Tɔn 22:8

Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

1 Kɔrent 10:15

He ɛ wejerema, anomanta, hé nyiŋi waa nɔ maa bola nɔ bini dɛ́ na.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

Ɛfesos 6:1

Bechale, hɛ́ɛ no he nyare ne he mɛɛnanar wa, dɛkalkɛŋɔ haa ɛ Kristo tena nɔ, anee chɛ kɛ hɛ́ɛ ɛ.

1 Timoti 2:3

Gɛɛ wera, dɛɛ lɛ ya Lɛɛ Korowii sie.

Hibru 11:23

Mosis nya ne o mɛɛ aa lolɔ la, ba kpɔɔ sɔh korobie atoro, dɛkalkɛŋɔ ba nao kɛŋɔ o wer bonɔɔ o bwara do kpeɡri. Ba ta Ijipt kooro mmara waa doa la ɔmɛ. Baa dɛ yarada Korowii waa ba won ɛ ɡɛ.

Jems 2:4

amɔ dɛ he dɛ duu bane dɛ ɡwaa bane. Nɛra siebɔree hɛɛ nyiŋi dɛɛ duu bane dɛɛ nyiŋi bane nyubaahna. Haa kɛrɛdɛ ɛ.