We-ɛɛla 3:17 - mzwDBL

¹⁷ Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la.

We-ɛɛla 3:17 ပူးပေါင်းရင်းမြစ်များ

Mumpar 21:26

Asɛ o chaŋe ŋɔ, “Maa nɛra baa ɛ ɡɛ waa nɔ jemɛ bwa. Dɛ fini laa hɛɛ bola nɔ naa, n fe ta an noɛ bwa.”

Mumpar 39:8

Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa.

Mumpar 44:15

O bɔɔ ba ŋɔ, “Bɔkwa waa he ɛ ken? Haa jemɛ kɛŋɔ n won chaahna nae, dɛ́ jemɛ waa aa dɛ ba chiɡa kerekere kɛɛ?”

Kaala 32:1

Nɛra la aa baa na kɛŋɔ Mosis biɡri bwejen la doa waa wola ba warane la, ba wuro ka tɔ Arɔn nɛ dɛ ŋɔ, “Taraken Mosis nɔ waa lawɛ yaa le Ijipt harɛ la, yaa jemɛ waa aa puu waa wola balɛ mɔɔ, anomanta, kwaa voɡa tɛ yaa á tɔ ya sie dɛ́ kaa ya ne.”

Nɛra Kura 22:6

Ba kpeɡri ɡwaa mɛ, anomanta, ba tomɛ ba toma tɛ mɛ, n ken ɛɛ wonoo pɔ ba nɛɛ dɛ́ doŋ ba le n harɛ nɔ ta. N jemɔ kɛŋɔ nomɛlbwa haa sweero andɛɛɡa la, dɛ́ dɔ wedɛɛɡa. Banɔ la ɡe haa taah ba dɛ́ na a wa.”

Amanesoma Luk Aa Chwera Tɔn 23:13

Paelet yerɛ bela tena ne Sɔfonomonome ne bwɛɛ nomonome ba cheme,

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

Amanesoma Jɔn Aa Chwera Tɔn 7:52

Anee ba bɔɔro ŋɔ, “Jamɔ he ɡe le Galilia harɛ kɛɛ? Dɛ he pese Korowii Tɔn la bini dɛ na naa, hɛɛ nao kɛŋɔ Korowii keame aa Galilia harɛ taa le ba bwa.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

We-ɛɛla 22:5

Sɔfonomoa ne ya Juu tena nomonome bwa ɛɛ wonoo di danseɛ kɛŋɔ kpelaa n ŋɔ. Banee fa chwerɛ tɔne tɛ mɛ, ásɛ n won kpɔ la yabala Juu tena baa lɔ Damaskɔs la be, ásɛ ba tɛ mɛ ŋwɛnɛ ń won lawɛ ŋwɛnɛfale la tena baa lɔ bela, dɛ́ kpɔ ba ba Jerusalam ásɛ ba ka ɛɛ ba wahala.

We-ɛɛla 26:9

N ɡba fa hah Yeesu waa le Nasarɛt la waa la. N fa liiro kɛŋɔ ŋwɛnɛ bɛlbwa maa dɔa la, a chɛ kɛ n kpɔ o ta dɛ́ chɔɡ o waa la.

We-ɛɛla 28:21

Anee Juu tena la ŋɔ, “Ya bwɛɛ Juda harɛ tena ta yaa tɔn bɛlbwa chwerɛ dɛ baɡle he wobɛlbwa ya be. Yabala baa le ya bwɛɛ dɛɛ ba bonɔ nɔ ɡe bɛlbwa ta he wechɔɡe bɛlbwa bolɛ ya no.

We-ɛɛla 7:40

Ba ŋɔ Arɔn be ŋɔ ó kwaa voɡa tɛɛ ba ásɛ a tɔ ba sie. Dɛ ŋɔ ba ta wone jemɛ kon la aa ɛ Mosis waa tɔ ba sie le Ijipt harɛ ta la.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

1 Kɔrent 2:8

Harɛ nɔ ta nomonjena fa ta a ɡɛ wejema nɔ mun noɛ. Dɛ ba fe no a mun aa, ba fe ta ɡelɛ ba kpo ya Dɔɔ la waa dɔ jirima la daɡaɡre ta.

2 Kɔrent 3:14

Israel tena fa aa waa la mun no. Taraken ɡba, ɡɛɛ ba ta do. Baa dɛ kure fɔobene la waa la, a ta do kɛ baa kpɔ yachaahne tɔ ba sie. Ba ta Yeesu Kristo waa lɛɛ yaa, yachaahne la aa ba sie lee ba.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Felepae 1:22

Kɛ dɛ n ta soɡe le naa, mɛɛ ba wonoo ɛ toma á won dɔ tɔnɔ kɛrɛdɛ. Anomanta, maa jemɛ onɔ la bwa waa wera n be ń kpɔ.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.