We-ɛɛla 3:13 - mzwDBL

¹³ Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

We-ɛɛla 3:13 ပူးပေါင်းရင်းမြစ်များ

Kaala 3:13

Belaa Mosis chaŋo dɛ ŋɔ, “Amɔ dɛ n la Israel tena be dɛ ka ŋɔ, Korowii ba naawa aa tomɔ laanee tom mɛ ba be, asɛ ba bɔɔ mɛ o sɔn aa, bɔkwa waa ń bol ba be nɔ?”

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Matiu 27:2

dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Mak Aa Chwera Tɔn 15:11

Jaah dɛ Sɔfonomonome la do nɛnlaa la bwa ŋɔ bá ŋɔ Barabasee baa nyin, dɛ ŋɔ Páelet leo ta.

Amanesoma Luk Aa Chwera Tɔn 22:57

Anee Pita tɔh pelepele ken dɛ ŋɔ tolo la be ŋɔ, “Maa on jemɛ kwara!”

Amanesoma Luk Aa Chwera Tɔn 23:4

Asɛ Paelet ŋɔ Sɔfonomonome ne nɛnlaa baa cheme o sie la be ŋɔ, “N ta wechɔɡa baa nɔ aa ɛa nae.”

Amanesoma Luk Aa Chwera Tɔn 6:37

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Amanesoma Jɔn Aa Chwera Tɔn 12:16

Dɛ o habɔteŋra la ta o waa nɔ mun noɛ loɡla la, dɛ ka tel kɛ Korowii aa tɛo jirima mɔɔ ba ta lii kɛŋɔ ba chwerɛ o bwara waa Korowii Tɔn bini ɡɛ, asɛ ba ɛo ɡɛ kpela.

Amanesoma Jɔn Aa Chwera Tɔn 18:40

Belaa ba bwa nyɛɡ kohona ŋɔ, “Bɛ on foo! Foo Barabas!” Dɛ ɡɛ Barabas nɔ, ŋwɛɛree.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Amanesoma Jɔn Aa Chwera Tɔn 19:12

Paelet aa no ɡɛ la, dɛ o dɛ nyin ŋwɛnɛ bɛl dɛ́ fee kpɔ Yeesu ta ó kaa. Ate, nɛnlaa la kpɔ takpeɡ dɛɛ ŋɔ, “Nomɛlbwa waa dɛ yerɛ o te kooro la ɛ Rom Koojen Siisa dɔm! Anomanta, dɛ he kpɔ baa nɔ ta aa, amɔ dɛ Rom Koojen la dɔmee hen!”

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Amanesoma Jɔn Aa Chwera Tɔn 7:39

Nee nɔ waa bol o waa nɔ, Korowii Domadɛɛɡe la waa ba kpɔ do nɛra baa yaradao la nɛɛ la waa o bol la. Gɛ saŋ la dɛ Korowii Domadɛɛɡe la ta balɛ mɔɔ, dɛkalkɛ dɛ Yeesu ta o jirima dɔe mɔɔ.

We-ɛɛla 22:14

Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

We-ɛɛla 24:14

Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.

We-ɛɛla 3:12

Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ?

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

We-ɛɛla 4:30

Tɛɛ ba kpeɡri bá won dɛɛ chah weela, dɛ́ ɡel ba che he ɡbaɡba bonɔndɛɛɡe Yeesu nɛɛ dɛ́ ɛ wekpeɡa ne nyokpowa.”

We-ɛɛla 7:32

‘Menee Korowii he naawa Abraham ne Aesek dɛ Jekɔb aa tom mɛ la.’ Mosis ɔmɔ dɛɛ chel, o ta berɛ dɔ bambile dɛ nyiŋu.

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.