We-ɛɛla 3:12 - mzwDBL

¹² Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ?

We-ɛɛla 3:12 ပူးပေါင်းရင်းမြစ်များ

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

Amanesoma Jɔn Aa Chwera Tɔn 7:18

Dɛ nɛn kpɔ o kpeɡri dɛɛ baɡle wa aa, o nyin sɔn dɛɛ tɛ o ɡbaɡba. Nɛn waa nyin sɔn dɛɛ tɛ nɛn waa tomɔ la te la, o waa dɔ kasinteŋ, waa nɛra neɡre.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

We-ɛɛla 3:11

Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela.

We-ɛɛla 3:13

Gɛ laa. Korowii ya nabaala Abraham ne Aesek dɛ Jekɔb aa tomɔ la, on tɛ o bonɔɔ Yeesu sɔn ɡɛ la. Onee he kpɔ tɛ nomonome ŋɔ bá bol o waa dɛ kpoo la. Harɛ nomoa Paelet aa ŋɔa ó tao la, he ta ŋɔe ŋɔ haa sɛah?

Tɔn Pɔɔl Aa Chwerɛ Rom Tena 11:1

N dɛ bɔɔ heyaa ŋɔ, Korowii vɛh o nɛra Israel tena kɛɛ? Akai! N ɡbabir nɔ, Israel tee men. N ɛ Abraham naa dɛ le Bɛnjamen dea.

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Wepila 7:13

Asɛ nomonome la bɛl pɛɛ mɛ ŋɔ, “Nɛra nɔ baa do yapoŋa nɔ, umewaa yɔ? Leperaa ba leɔ?”