We-ɛɛla 3:11 - mzwDBL

¹¹ Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela.

We-ɛɛla 3:11 ပူးပေါင်းရင်းမြစ်များ

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Amanesoma Luk Aa Chwera Tɔn 22:8

Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

Amanesoma Luk Aa Chwera Tɔn 8:38

Yeesu aa dɛ kaa la, anee baa la kwaa fa aa lɔ o nɛɛ la soŋo ŋɔ, “Gel n ne he kaalɔ.” Waa ŋɔ ɡɛ la, Yeesu ŋɔ o be ŋɔ,

Amanesoma Jɔn Aa Chwera Tɔn 10:23

Dɛ Yeesu dɛ valɛ Korowii Dea doonyoa bela baa dɛ yerɔ Solomɔn Doonyoa la,

We-ɛɛla 2:6

Baa no ɡbɔɡa la la, ba bwa baa cheme bela, asɛ a ɛɛ ba anebɛlbwa kɛŋɔ nɛra la aa dɛ bol waa ba bɛlbwa bwɛɛ wobol ta la.

We-ɛɛla 3:12

Pita aa na nɛra la, o bɔɔ ba ŋɔ, “Yabala Israel tena, ɛrɛɛ waa nɔ kpo he nyoa hɛɛ nyiŋi yaa ɡɛ nɔɔ? He dɛ lii ŋɔ ya ɡbaɡba kpeɡri ta kɛɛ ya nɛndɛɛɡa ɛɛ kohona waa baa nɔ won ir che dɛɛ valɛ nɔ kɛɛ?

We-ɛɛla 3:3

Pita ne Jɔn aa dɛ ba dea bela joe la, o soŋ ba ŋɔ bá tɛo komɛl.

We-ɛɛla 3:4

Belaa ba pa sie o be, asɛ Pita ŋɔ, “Nyiŋi yaa!”

We-ɛɛla 5:12

Dɛ Yeesu toroma la dɛ ɛ wekpeɡa ne nyokpowaa nɛra la bini. Dɛ asɔre tena la dɛ cheme Korowii Dea la dahara bobɛl baa dɛ yerɛ bela Solomɔn Pato la ta.