We-ɛɛla 3:1 - mzwDBL

¹ Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

We-ɛɛla 3:1 ပူးပေါင်းရင်းမြစ်များ

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

Amanesoma Luk Aa Chwera Tɔn 1:10

O jo bela, asɛ nɛnlaa la bwa che buse dɛɛ soŋe Korowii ásɛ o fuh daawiile a sɔɔh aa soma la tonɛ.

We-ɛɛla 5:25

Belaa baa bɛl ba dɛ ba ŋɔ. “Hé no bonɔ! Nɛra la haa do ba dea laanee lɔ Korowii Dea dɛɛ baɡle nɛra Korowii Waa la!”

Amanesoma Luk Aa Chwera Tɔn 24:53

dɛ yon ka jo Korowii Dea dɛɛ jam Korowii tɔpere bɛlbwa.

We-ɛɛla 8:14

Yeesu toroma baa lɔ Jerusalam aa noa kɛŋɔ Samaria tena yarada Korowii waa la,

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

Amanesoma Jɔn Aa Chwera Tɔn 21:7

Anee Yeesu habɔteŋre waa dɛ nyinu kohona la ŋɔ Pita be ŋɔ, “Ya Dɔɔree.” Dɛ Seemɔn Pita foo o batakaare bil. Waa noa kɛŋɔ ba Dɔɔree la, o berɛ kpɔ do, dɛ le nee la ta.

Amanesoma Luk Aa Chwera Tɔn 22:8

Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

Matiu 26:37

O kpɔ Pita ne Sebedii bii banɛ la dɛ kaa bela. Dɛ o loo kuu, o ta nae ɡɛ bwa waa ɛ o te.

Matiu 17:1

Aa di tɔpera anumɛl la, Yeesu tɔ Pita ne Jems ne o nime Jɔn sie ba ka teeh bwejen bɛl, dɛ ɡbo ka so o doa bobɛl.

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

We-ɛɛla 10:30

Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

Kaala 29:39

Lawɛ beŋkpoŋ ɛ saraha tɛ mɛ chɔɔ, ásɛ wee aa baa jo la, he kpɔ bɛl la ɡe ɛ tɛ mɛ.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Nɛra Kura 28:4

Hé kpo pebali la beŋkpoŋ chɔɔbɔr, asɛ onɔ la ɡe jɔmɔra.

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

Amanesoma Luk Aa Chwera Tɔn 18:10

“Awola bɛl, nɛra banɛ bane la Korowii Dea dɛ kaa soŋe Korowii. Dɛ bɛl ɛ Farisii te asɛ bɛl ɡe ɛ nɛnchɔɡa baa dɛ lɛ toɔ la bɛl.

We-ɛɛla 3:3

Pita ne Jɔn aa dɛ ba dea bela joe la, o soŋ ba ŋɔ bá tɛo komɛl.

We-ɛɛla 3:4

Belaa ba pa sie o be, asɛ Pita ŋɔ, “Nyiŋi yaa!”