We-ɛɛla 28:4 - mzwDBL

⁴ Bela tena la aa na harɛkon la Pɔɔl nɔn ta saɡa la, dɛ ba dɛ bol dɔŋa be ŋɔ, “Baa nɔ maɡaa kpo nɛn! Na waa le seo nyoa mpo ta asɛ o wechɔɡa taa ti o luɡe ɡɛ!”

We-ɛɛla 28:4 ပူးပေါင်းရင်းမြစ်များ

Mumpar 3:1

Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?”

Sɛɡla 28:17

Nɛn waa dɛ kpoo nɛra la, o ɡbaɡba bɔɔ wɛɛ kwi, bɛ on kah.

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Aesaya 43:20

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ,

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Matiu 27:25

Anee nɛra la ŋɔ, “Ɔɔh, hé te ɡel o seo wobɛlbwa dawɛ ya ne ya naanar nɛ!”

Amanesoma Luk Aa Chwera Tɔn 13:2

Anee Yeesu chaŋ ba ŋɔ, “He dɛ lii kɛŋɔ waa aa pu a ɡɛ Galilia tena nɔ dɛ́ baɡle kɛ ba wechɔɡa ɡwaa Galilia tena baa kaa la kwaa kɛɛ?

Amanesoma Luk Aa Chwera Tɔn 13:4

Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

We-ɛɛla 28:2

Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee.

We-ɛɛla 28:3

Pɔɔl nyin daa ane ŋɔ ó kpɔ ba do nii la ta. Jaah harɛkon lɔ daa la ta. Waa doa nii ta bɔwɔb lawɛ harɛkon la, o leɔ dɛ choɡo, dɛ ka saɡɛ o nɔn ta.

We-ɛɛla 28:5

Pɔɔl mer harɛkon la ta nii la ta. O choɡa la ta on wobɛlbwa ɛɛ.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”