We-ɛɛla 28:30 - mzwDBL

³⁰ Pɔɔl hane dea dɛ so o bini bene anɛ. Dɛ nɛra dɛ ba o be. O ta ba bɛlbwa berɛ.

We-ɛɛla 28:30 ပူးပေါင်းရင်းမြစ်များ

Jeremia 38:13

asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.

We-ɛɛla 28:29

Pɔɔl aa bol waa tonɛ la, ba leɔ dɛɛ kaa dɛɛ tɔŋle dɔŋa kohona.

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.

Felepae 1:13

Bonɔ koojen soojare baa dɛ daah o dem, ne nɛra baa lɔ bonɔ bwa jemɔ kɛŋɔ maa ɛ Yeesu Kristo bonɔɔ waa ba do mɛ dea.

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Amanesoma Jɔn Aa Chwera Tɔn 1:39

Belaa o ŋɔ, “Hé ba na.” Asɛ ba la dɛ ka na o dem. Dɛ a bɔ jɔmɔra dɔŋ anaarɛ, asɛ ba so o be bela wee ba jo.

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 24:27

Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.

We-ɛɛla 28:16

Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.

Tɔn Pɔɔl Aa Chwerɛ Rom Tena 15:32

ásɛ dɛ Korowii sɛoh waa, ń ba he be silɛɛ ne, dɛ́ ba onɛ tama.

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Timoti 1:17

Waa dena tel Rom laanee o ɡaaɡe n bɔr aaa dɛ ka tel kɛ waa na mɛ.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.