We-ɛɛla 28:21 - mzwDBL

²¹ Anee Juu tena la ŋɔ, “Ya bwɛɛ Juda harɛ tena ta yaa tɔn bɛlbwa chwerɛ dɛ baɡle he wobɛlbwa ya be. Yabala baa le ya bwɛɛ dɛɛ ba bonɔ nɔ ɡe bɛlbwa ta he wechɔɡe bɛlbwa bolɛ ya no.

We-ɛɛla 28:21 ပူးပေါင်းရင်းမြစ်များ

Kaala 11:7

Kɛ Israel tena te bini la, nyoate aa nɛn kɛɛ kondɛɛre kwaraa wor. Anee dɛ́ ɡel he jemɛ kɛŋɔ Korowii dɛ nyin o nɛra Israel tena dɛ ɡel ba korɛ Ijipt tena bini.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 50:8

Korowii bɛn mɛ. Wɛɛ pa mɛ bolee. Umee dɛ́ won kpɔ waa dawɛ n nɛɔ? Naate ɡel ya cheme. Ume tenee n ne o dɔɔ? Naate ba n ne o cheme, dɛ́ bol.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

We-ɛɛla 22:5

Sɔfonomoa ne ya Juu tena nomonome bwa ɛɛ wonoo di danseɛ kɛŋɔ kpelaa n ŋɔ. Banee fa chwerɛ tɔne tɛ mɛ, ásɛ n won kpɔ la yabala Juu tena baa lɔ Damaskɔs la be, ásɛ ba tɛ mɛ ŋwɛnɛ ń won lawɛ ŋwɛnɛfale la tena baa lɔ bela, dɛ́ kpɔ ba ba Jerusalam ásɛ ba ka ɛɛ ba wahala.

We-ɛɛla 28:14

Dɛ asɔre tena bane lɔ bela dɛ ŋɔ yá di yawanyoa ba be mɔɔ dɛ kaa. Belaa ya le dɛ ba Rom.

We-ɛɛla 3:17

Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.