We-ɛɛla 27:40 - mzwDBL

⁴⁰ Ba chaa stiimae la bune la do mpo la bini. Dɛ ba fe vɔwɛ stiimae la ŋwandaa ɡe dɛɛ pɛlo, kɛ ba pur a ɡe, dɛ paɡri stiimae la sie yatɔɡ waa saɡɛ nyundua la, asɛ peu taɡɛ stiimae la dɛɛ kaa bela o sie aa chaɡa la, dɛ taɡɔ ka chuɡe.

We-ɛɛla 27:40 ပူးပေါင်းရင်းမြစ်များ

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Matiu 4:18

Yeesu aa dɛ valɛ Galilia Moo la nyoa la, o na baala banɛ baa dɛ ɛ nee toma dɛɛ ta asau. Baala banɛ laanee Seemɔn baa dɛ yerɔ Pita la ne o nime Andriu.

We-ɛɛla 27:17

Ya bwara nyɛɡɔ mɔɔ ba ta won ɡɔɔ ɡberjeɡa waa pɛl ya stiimae la do ya stiimae la bini, dɛ kwaa stiimae la ŋwɛɛra vɔrɔwe kɛrɛdɛ. Ba chweeh stiimae la ŋwɛɛra aa lɔ o keŋkeŋni la, asɛ a hamɛ kiŋkiŋ. Dɛ kechɛ bɛl lɔ bela baa yerɔ Sirtis, asɛ baa ɔmɛ kɛŋɔ peu la ɛɛ taɡ baa kaa bela ásɛ ba ka bela. Anomanta, ba ba stiimae la yajen la aa lɔ o doa la ne harɛ, asɛ peu la taɡ ba dɛɛ kaa.

We-ɛɛla 27:41

Stiimae la kaa chuɡe hɛŋle ane ta asɛ o sie la karɛ che a ta dɛ kaa kahonɛ. Waa cheɡɛ bobeŋkpoŋ ɡɛ la, dɛ nehɛma dɛ lɔ o habɔɔ la kohona. Nehɛma la paɡre o habɔɔ la bwa.