We-ɛɛla 27:29 - mzwDBL

²⁹ Dɛ ba dɛ ɔmɛ kɛŋɔ ya stiimae la ɛɛ chuɡe bwea anee dɛ́ peɡri, dɛ koh a waa ɡɔɔ o bune anaarɛ bwa do nee ta stiimae la mun ta. Dɛ ba dɛ soŋe Korowii ŋɔ bɔ́r chaah warane.

We-ɛɛla 27:29 ပူးပေါင်းရင်းမြစ်များ

Yela 130:6

N dɛ kpa Korowii sibeɡra ne, ɡwaa ɡɛ nɛra baa dɛ daah bɔr jwaana, yon dɛɛ nyiŋi bɔr chaahna ŋwɛnɛ kohona la.

We-ɛɛla 27:17

Ya bwara nyɛɡɔ mɔɔ ba ta won ɡɔɔ ɡberjeɡa waa pɛl ya stiimae la do ya stiimae la bini, dɛ kwaa stiimae la ŋwɛɛra vɔrɔwe kɛrɛdɛ. Ba chweeh stiimae la ŋwɛɛra aa lɔ o keŋkeŋni la, asɛ a hamɛ kiŋkiŋ. Dɛ kechɛ bɛl lɔ bela baa yerɔ Sirtis, asɛ baa ɔmɛ kɛŋɔ peu la ɛɛ taɡ baa kaa bela ásɛ ba ka bela. Anomanta, ba ba stiimae la yajen la aa lɔ o doa la ne harɛ, asɛ peu la taɡ ba dɛɛ kaa.

We-ɛɛla 27:26

Kɛ peu nɔ ɛɛ taɡɛ yaa ka ta ekwi harɛ bɛl ta.”

We-ɛɛla 27:28

Anomanta, ba maɡɛ nee la dɛ na kɛŋɔ o luŋri tel naɡale fifraanaarɛ. Aa ɛ tama la, ba berɔ maɡɛ na ja, dɛ na kɛŋɔ o luŋri tel naɡale fifraatoro.

We-ɛɛla 27:30

Ate, dɛ stiimae tom-ɛɛra la fe dɛ nyin bɔr dɛ́ le o bini dɛ́ chwa. Ba pur o ɡberjeɡa la do nee ta, dɛ teŋe nyosone ŋɔ ba fe dɛ la ka kpɔ stiimae la sie dɛ́ ka tɛr o bune ŋwɛɛra ane do nee ta.

Mmarare 28:67

Ɔmee waa aa lɔ he bambile ta la ne waa haa dɛ ba nae nomanta, dɛ chɔɔbɔree yaa, hɛɛ ŋɔɔ, ‘Dɛ jɔmɔraa fe sɛ?’ Asɛ dɛ jɔmɔra ɡee yaa, he ŋɔ, ‘Dɛ chɔɔbɔree fe sɛ?’

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.