We-ɛɛla 27:23 - mzwDBL

²³ Waa aa ɡela n ŋɔ ɡɛ laanee kɛ, dɛ jwaana ne la, Korowii waa dɔɔ mɛ dɛ ɡel mɛɛ ɛ o toma la, o torome ba n be,

We-ɛɛla 27:23 ပူးပေါင်းရင်းမြစ်များ

Yela 116:16

N Naa Korowii, n ɛ he bonɔɔ kpela, n tomɛ ɡɛ n nya aa tomɛ. He lɛɛ mɛ le seo nyoa.

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Yela 143:12

Koh nyina haa dɛ nyin mɛ la wa, dɛ́ kpoo n dɔma, dɛ́ chɔɡ nɛra baa dɛ fiɡ mɛ bwa, dɛkalkɛ n ɛ he bonɔɔ.

Kaala 19:5

Dɛ hɛɛ dɛɛ no n deŋna waa, dɛ́ ɡel n ne he fɔo la che kɛrɛdɛ tenaa, mɛɛ kpɔ heyaa ɛ n nɛra n siwi aa dɛ su ba harɛ nɔ ta bwa nɛra bini. Menee dɔ harɛ nɔ bwa te,

Yelsom 2:16

Menee dɔ n sɛnodɛɛɡe, asɛ o ɡee dɔɔ mɛ. O ɡbo peeraa dɛɛ di kpɔɡa aa dɛ fe la bini.

Yelsom 6:3

Menee dɔ n sɛnodɛɛɡe, asɛ o ɡee dɔɔ mɛ, o ɡbo peeraa dɛɛ di kpɔɡa fee aa wera baah ta.

Aesaya 44:21

Korowii ŋɔ, Israel tena, hé lii ɡɛ waa nɔ. N bonɔɔnaa heya. Menee ta heya. Maa he waa soh bwa.

Aesaya 44:5

Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Ɛsekeɛl 36:38

Baa warɔɔ kɛŋɔ peera baa teɡa dɛɛ kaa dɛ́ ka kpoo ɛ saraha Jerusalam tɔpejena dii ta ken. Bwɛjena a fa aa paɡra la, nɛra ɛɛ ba su a binii, ásɛ ba jemɛ kɛŋɔ menee Korowii.”

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Daneɛl 3:26

Ate, Kooro Nebukadnesa ka che bɛne fononoo nijena la nyoa bɔr, dɛ kpɔ takpeɡ yerɛ ŋɔ, “Nemenɛ Korowii bonɔɔna Sadrak ne Mesak dɛ Abɛdnɛɡo, hé le nii la ta ba!” Buɡ la ta, ba den le ba che.

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

We-ɛɛla 16:17

A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”

We-ɛɛla 18:9

Awola bɛl, Pɔɔl na wepila ane jwaana. O nao kɛŋɔ Korowii aa dɛ ŋɔ o be ŋɔ, “Bɛ dɛɛ ɔmɛ, dɛɛ bol n waa la nɛra be. Bɛ nyoa tɔ,

We-ɛɛla 23:11

Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

We-ɛɛla 8:26

Belaa Korowii nyundua torome bɛl ŋɔ Felep be ŋɔ, “Ir kaa weekaŋle harɛbɔr le, bela ŋwɛnɛ bɛl aa le Jerusalam kaa Gasa la.” Pua hɛŋle ɡbo harɛɛ a ɡɛ bɔr nɔ.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 1:9

Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

1 Kɔrent 6:20

dɛkalkɛŋɔ o kpɔ Yeesu Kristo chal yawɛ heya. Anomanta, hé nyiŋi he bwadabii ta kɛrɛdɛ, dɛ́ kpɔ tomɛ Korowii dɛ́ tɛo sɔn.

Mmarare 32:9

Dɛkalkɛ Jekɔb naanar te, Korowii ɡbaɡba lee ba dɛ kpɔ ba ɛ o nɛra.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

2 Timoti 2:24

Nɛn waa ɛ ya Dɔɔ bonɔɔ ta chɛ kɛŋɔ o ne nɛn naɡre. A chɛ kɛ ó pwɛr o te tɛ nomɛlbwa, dɛ́ won nɛra kwaa baɡla kɛrɛdɛ, dɛ nɛn jo o nɛ aa, ó won lawɛ bambile,

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”