We-ɛɛla 27:20 - mzwDBL

²⁰ Tɔpera aŋwɛnɛ bwa dɛ yaa wee na, yaa weweela ɡe na, asɛ peu la ɡe na dɛɛ ta kpeɡri nɛɛ ɡɛ. Ate, dɛ yaa ya nyuune te waa lii kɛŋɔ yaa ɛ nɛraa kpa.

We-ɛɛla 27:20 ပူးပေါင်းရင်းမြစ်များ

Yela 105:28

O ɡelɔ biro tenten ba tɔ harɛ la bwa ta, kɛ Ijipt tena ta o waa ta teŋɛ.

Aesaya 57:10

He chwao ti voɡa dɛ koh, kɛ dɛ vɛh ɡela. He berɔ kwaa dɔ bokpeɡfala dɛɛ nyin voɡfala, haa ɡwɛɡre.

Jeremia 2:25

Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Jona 1:4

Anee Korowii ɡel peujen bɛl ta mpo la ta. Peu la nyoa kpeɡri kohona, dɛ ir nehɛma baa lɔ dɛɛ beɡre nee la, stiimae la fe ɛɛ ba pera.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

We-ɛɛla 27:19

Tɔ aa pera ja la, ba ɡbaɡba pa stiimae la laala ane ta.

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

2 Kɔrent 11:25

Kera atoroo Rom tena lɔɔ mɛ chweremi ne, dɛ foɡ mɛ bwea kera beŋkpoŋ. Kera atoroo stiimae morɛ n ne. N lɔ nee siebɔr bir dɛ chaah, dɛ kwaa bir a ɡɛ stiimae mora nɔ bɛl ta.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

1 Tesalonika 4:13

Yabala, ya dɛ nyin kɛ ya bol yabala baa serewa la wa, ásɛ he tea bini bɛ chɔɡ kohona kɛŋɔ nɛra baa kaa, baa wola hwɛɡa dɔe kɛŋɔ yaa ir seo taa la.