We-ɛɛla 27:12 - mzwDBL

¹² Leebɔdɛɛɡe leebɔɔ bela aa were ne stiimae la cheɡa peujena la saŋ. Ba ŋɔ stiimae leebɔdɛɛɡe lɔ Kret harɛ bwɛɛ bɛl baa dɛ yerɔ Finiks la ta, anomanta, ba kɛrɛdɛ ŋɔ bá takapɔ so stiimae la bini tama tama dɛɛ la bela dɛ́ ka so bela, ásɛ peujena la saŋ kaa mɔɔ. Dɛ Finiks leebɔɔ la chɔɔ kɛ korobifale ɡuri aa do ɡɛ la, asɛ o harɛ la nyoa bɛl sie chaɡɛ wee cholibɔr diɡ pera, asɛ bɛl ɡe chaɡɛ wee cholibɔr ɡal pera.

We-ɛɛla 27:12 ပူးပေါင်းရင်းမြစ်များ

Yela 107:30

Nehɛma la nyoa aa sɔɔhna la, ba sie lɛo, asɛ o tɔ ba sie ba bela baa dɛ nyin ba chuɡe.

We-ɛɛla 2:11

Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!”

We-ɛɛla 27:13

A ta biɡre dɛ peujeɡa bɛl tao le weekaŋle harɛbɔr dɛɛ ba, asɛ ba lii kɛ baa wonoo kaa ɡɛ ba fe aa liira wubwa la. Ba laa ba stiimae la buni baa kpɔa do nee bini dɛ ɡel stiimae la ɛɛ che la kpɔ dɛ fɛrɛ Kret harɛ dɛɛ kaa.

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

We-ɛɛla 27:7

Ya kaalɔ tama tama ken tɔpera anɛ, mɔɔ dɛ ta ba tel Kenaedes, dɛkalkɛ dɛ peu aa yaa ŋwɛnɛ tɛ. Peu la aa wola ŋwɛnɛ tɛ la, ya pa sie Kret ne Salmone a bwa aa ɛ ekwie la baah ta, dɛ fɛrɛ Kret baŋ bela peu la aa wola bela te ta la dɛɛ kaa.

We-ɛɛla 27:8

Yaa fɛrɛ Kret harɛ baŋ pera bela kaa la, a no yaa kɛrɛdɛ, asɛ ya ba le leebɔɔ bɛl o ne Lasea aa wola jaŋɛ, baa yerɛ bela Leebɔdɛɛɡe la.

Taetos 1:12

Kret tena la bɛl baa dɛ liiru kɛŋɔ o jemɛ wobol kɛrɛdɛ fa bolɔ ŋɔ, “Ya Kret tena bwa ɛ nyosonteŋna, ya we-ɛɛla do kɛŋɔ kpɔɡ bini ola ken. Ya ɛ bɔhwaahra dɛɛ di kwaa kohona.”

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.