We-ɛɛla 27:11 - mzwDBL

¹¹ Pɔɔl aa bol ɡɛ la, sooja nomoa la ta o be noɛ. O teŋɛ nɛn waa dɛ valɛ stiimae la ne, ne stiimae te la nyoa wobol ta.

We-ɛɛla 27:11 ပူးပေါင်းရင်းမြစ်များ

2 Koranar 6:10

Anee Israel kooro pese bela Korowii keame la aa ŋɔa la. Dɛ saŋ bɛlbwaa Elaesa teŋɛ dɛɛ bol ɡɛ bɔra la waa Israel kooro be, asɛ wɛɛ do a waa dɛɛɡɔ.

Sɛɡla 27:12

Nɛn waa dɔ nfɛrɛ la, dɛ na waa aa lɔ sie dɛɛ ba, dɛ yon ke o te. Nɛn waa wola liire dɔe yon so nyiŋi a ba diu.

Ɛsekeɛl 33:4

Dɛ bɛlbwa no bɛla la sii o ta kpɔe ɛ wa, asɛ dɔma la ba kpoo waa, o seo ɡure o ɡbaɡba nyu ta.

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Jems 3:4

Yá ta sie na ɡɛ stiimae aa kana, asɛ peukpeɡ yon ta dɛ kpɔɔ dɛɛ kaa, kɛ dajeɡa bɛlee lɔ o ta ba kpɔ dɛɛ menɛ o sie asɛ wɛɛ kaa bela bwa baa dɛ nyin.

Wepila 18:17

dɛkalkɛŋɔ o kwaa waa dɔa ɡa la bwa fuoh dɔŋhwere beŋkpoŋ.” Ásɛ nɛra baa dɛ kah stiimaere, ne nɛra baa jo a bini dɛɛ la bobɛla, ne nɛra baa dɛ ɛ toma a bini, ne nɛra baa dɛ ɛ toma bwa soo siwi mpo ta che bojaŋ.