We-ɛɛla 27:1 - mzwDBL

¹ Ba vɔrɔwɔ ŋɔ yá kpɔ nee ta kaa Itali harɛ bela Rom Koojen aa soɡa la. Anomanta, ba kpɔ Pɔɔl ne nɛra bane baa do ba ɡe dea ja o nɛɛ la tɛ Rom Koojen soojanomoa bɛl baa dɛ yerɔ Juleɔs la.

We-ɛɛla 27:1 ပူးပေါင်းရင်းမြစ်များ

Mumpar 50:20

He te la, he lii n ne wechɔɡa, kɛ Korowii ɡelɔ a berɛ wedɛɛɡa, ɡɛ aa ɛ ó won lɛ nɛndamanta mkpa ɡɛ waa ɛa fini nɔ.

Yela 33:11

O wobɛlbwa waa vɔrɔwa dɛ che kiŋkiŋ saŋ bɛlbwa dɛɛ la, o liire aa charɛ bwa, a lole saŋ bɛlbwa dɛɛ la.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Wiile 3:27

A chɛ kɛ nɛn hweli ɡɛ bambile nɔ lawa le o bonɔɔne kɛɛ toli saŋ.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Amanesoma Luk Aa Chwera Tɔn 23:47

Sooja nomoa waa lɔ bela dɛ na waa aa chiɡa la, o ŋɔ, “Kpelaa, wechɔɡa toole baa nɔ nɛ,” dɛ kpɛɛ Korowii.

Amanesoma Luk Aa Chwera Tɔn 7:2

Dɛ Rom sooja nomoa bɛl lɔ bela dɛ dɔ bonɔɔ bɛl dɛɛ nyin o waa kɛrɛdɛ. Dɛ bonɔɔ la bwara dɛ weo, a ka jɛɛ ken o sewɛ.

We-ɛɛla 10:1

Dɛ baa bɛl lɔ Sisaaria baa yerɔ Kɔnɛɛleɔs. Itali harɛ soojare bane nomoaa on.

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 16:10

Pɔɔl aa na wepila la, men maa dɛ chwerɛ tɔn nɔ ne o kpɔ ya te dɛ kaa Makidoonia harɛ, dɛkalkɛŋɔ ya jemɔ kɛ Korowiirii dɛɛ nyin kɛ ya la ka bol Amanesoma la bela tena be.

We-ɛɛla 18:2

Belaa o ka na Juu te bɛl, dɛ o sɔne Akwela. Dɛ Pɔntos tee on, asɛ o ka so Rom, dɛ berɛ le bela ba Kɔrent, dɛkalkɛŋɔ dɛ Rom Koojen Klɔdeɔs doŋi Juu tena bwa Rom. Dɛ Akwela haah sɔne Presela. Pɔɔl la ba be dɛ ka na ba,

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 21:32

Ate, nomoa la ɡel wobɛlbwa ɛɛ dɛ kpɔ soojanomonome bane baa lɔ o lɔɡa ne soojare bane dɛ chwa la bela baa dɛ lɔɔ Pɔɔl la. Nɛra la aa na nomoa la wɛɛ ba soojare ne la, ba ɡel Pɔɔl lɔɔra.

We-ɛɛla 22:26

Pɔɔl aa ŋɔ ɡɛ la, sooja la kaa ŋɔ ba nomonjen la be ŋɔ, “Dɛɛ do baa nɔ dɛɛɡɔ, dɛ bɛ on wechɔɡa bɛlbwa ɛ. Rom tee on.”

We-ɛɛla 23:11

Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”

We-ɛɛla 23:17

Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.”

We-ɛɛla 24:23

Waa teŋe waa la ta la, o ŋɔ nomoa waa dɛ nyiŋi Pɔɔl nɛɛ la be ŋɔ ó berɛ kaa Pɔɔl ne dea, dɛ ŋɔ wɛ́ɛ nyiŋu kɛrɛdɛ kɛŋɔ o bɛ on tɔ do dea, asɛ dɛ Pɔɔl daamanar ba o be naa, ó tɛɛ ba ŋwɛnɛ ba baa chao.

We-ɛɛla 25:12

Belaa Fɛstɔs ne o nomonome le jina. Baa bala la, Fɛstɔs ŋɔ Pɔɔl be ŋɔ, “Dɛ he ŋɔ hɛɛ la Rom Koojen bee ó ka bol waa nɔ dɛ́ pa bole te naa, hɛɛ la o bee.”

We-ɛɛla 25:25

Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be.

We-ɛɛla 27:11

Pɔɔl aa bol ɡɛ la, sooja nomoa la ta o be noɛ. O teŋɛ nɛn waa dɛ valɛ stiimae la ne, ne stiimae te la nyoa wobol ta.

We-ɛɛla 27:43

Dɛ ba nomoa la aa Pɔɔl kpoe nyin dɛ koh o waa ŋɔ bá ɡel ba. O ɡelɔ nɛra baa jemɛ nee la tɔ sie le nee dɛ wa kaa baŋ,

We-ɛɛla 27:6

Belaa sooja nomoa la na Alɛksandrea tena stiimae bɛl waa dɛ kaa Itali harɛ, dɛ kpɔ yaa do o ta.

We-ɛɛla 28:1

Ya le nee la baŋ, dɛ le ya siswɛm la nyoa mɔɔ dɛ ta no kɛŋɔ ɡɛ ekwi harɛ la sɔne Mɔlta.

We-ɛɛla 28:16

Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.

Hibru 13:24

Ya dɛ na he nomonome la bwa, ne Korowii nɛra la bwa. Yabala Itali harɛ tena la ɡe dɛ na heya.