We-ɛɛla 26:9 - mzwDBL

⁹ N ɡba fa hah Yeesu waa le Nasarɛt la waa la. N fa liiro kɛŋɔ ŋwɛnɛ bɛlbwa maa dɔa la, a chɛ kɛ n kpɔ o ta dɛ́ chɔɡ o waa la.

We-ɛɛla 26:9 ပူးပေါင်းရင်းမြစ်များ

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

We-ɛɛla 22:4

Dɛ n fa cheɡɛ nɛra baa teŋɛ ɡɛ ŋwɛnɛfale nɔ ta nɔ nɛɛ dɛɛ nyin ba dɛ́ kpo, dɛ lawɛ ba baala ne haahna bwa do deene.

We-ɛɛla 22:8

Belaa n ŋɔ, ‘Henee umeo, n Dɔɔ?’ Asɛ o ŋɔ, ‘Menee Yeesu waa le Nasarɛt la. Menee hɛɛ yo la.’

We-ɛɛla 24:5

Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

We-ɛɛla 3:17

Yabala, n jemɔ kɛŋɔ bɛ jemaa ɡela he ne he nomonome ɛ Yeesu waa haa ɛo la.

We-ɛɛla 3:6

Belaa Pita ŋɔ, “N ta suuɡa dɔe dɛ tɛɛ, kɛ mɛɛ tɛɛ kon n ɡe aa dɔa laanee. Yeesu Kristo waa le Nasarɛt la sɔn ta, ir dɛ́ valɛ!”

We-ɛɛla 9:1

Dɛ Sɔɔl ta swɛɛ siwi dɛɛ aah Yeesu habɔteŋra la ŋɔ wɛɛ kpo baa. O la Sɔfonomoa be

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

Felepae 3:6

Ba dɛ nyin nɛn o siwi fa aa swɛɛ a ta naa, menee, dɛkalkɛŋɔ n fa cheɡɛ Yeesu habɔteŋra la nɛɛ taeh. Dɛ ba berɔ dɛɛ nyin nɛndɛɛɡe Mmara la be pera ɡe aa, n waa bwa toɡrɔ.

1 Timoti 1:13

A lole kɛ n fa dɛ ɛ Yeesu Kristo la nɛnhɛla, dɛɛ ɛo hɔhɔrɔwa, n siwi sao mɛɛ yoo. Kɛ Korowii na n sum, dɛkalkɛ maa wola Korowii yarada dɔe n bini la, dɛ maa jemɛ ɡɛ maa dɛ ɛ.

Sitɔɔla 6:30

Ate, bwɛɛ la baala la Joas be dɛ ka ŋɔ, “Le he bibaa Gedeɔn ne ba. A chɛ kɛŋɔ ó sewɛ, dɛkalkɛ o kuuɡi ya voɡ Baal saraha kon la dɛ berɛ teŋe voɡ Asera dajaŋ waa cheɡɛ o jwɛɛh la ɡe ta.”