We-ɛɛla 26:29 - mzwDBL

²⁹ Anee Pɔɔl ŋɔ, “Dɛ buɡ nɔ taa yoo, dɛ kerekeree yoo, n te waa maa dɛ soŋe Korowii laanee kɛŋɔ, he ne nɛra baa dɛ no n waa fini nɔ fe do kɛŋɔ maa doa nɔ. Kɛ maa soŋe kɛ ba doe jɔɡrɔre kɛ baa do mɛ nɔ te.”

We-ɛɛla 26:29 ပူးပေါင်းရင်းမြစ်များ

2 Samoɛl 18:33

Ate, dɛ kooro soɡo dɛɛ chel. O cheɡɛ doonyoa la nyundua dɛ kaa dea dɛ ka wi. Waa dɛ kaa la, dɛ o dɛ wi ŋɔ, “N bidɛɛɡe, Absalɔm, menee fe sewa sɛ?”

2 Koranar 5:3

Awola bɛl, bitolo la ŋɔ o nya la be ŋɔ, “N dɛ nyin kɛ n dɔɔ fe aa la Korowii keame bɛl waa lɔ Samaria be! O fe ɛɛ chaoh o wee nɔ kaa.”

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

Jeremia 38:20

Anee men Jeremia chaŋe ŋɔ, “Baa he lee ba dɛ tɛɛ ba. He te ɛɛ teŋɛ waa Korowii aa bola la ta, ásɛ wobɛlbwa kaa kɛrɛdɛ tɛɛ, he dɔ he nyu.

Nɛra Kura 11:29

Anee Mosis ŋɔ, “He meerɔ dɛɛ tɛ mɛ kɛɛ? N te fe dɛ nyin kɛŋɔ Korowii ɡel o Doma ba so o nɛra bwa nɛ, ásɛ ba won dɛɛ bol o waa o kpeɡri ne.”

Amanesoma Jɔn Aa Chwera Tɔn 5:34

Maa n te kpɔe dɛɛ dawɛ nɛwɛnyini nɛɛ ó di mɛ danseɛ. N dɛ bol anɔ ásɛ he yarada Korowii ó won lɛ heya.

We-ɛɛla 12:6

Kooro Hɛrɔd fe lawɛ tɔpere bɛl, dɛ́ fe bol Pita waa la dɛ́ pa bole. Jwaana la tɔɔ aa per ásɛ tɔpere la tel la, dɛ Pita chɔ soojare baa dɛ daahno la banɛ baah ta dɛɛ chɔ dom, asɛ jɔɡrɔre anɛ do o nɔɔra. Dɛ soojare banɛ lɔ dea la doonyoa dɛɛ daah bela.

We-ɛɛla 21:33

Nomoa la baa lawɛ Pɔɔl dɛ ɡel ba doo jɔɡrɔre, dɛ bɔɔ nɛra la ŋɔ, “Nɛn besoo baa nɔɔ? Webesoo o ɛɔ?”

We-ɛɛla 25:14

Baa di Sisaaria tɔpera anɛ la, Fɛstɔs taa Pɔɔl waa la baɡle Kooro Aɡrepa, dɛ ŋɔ, “Fɛlekse fa do a ɡɛ baa nɔ dea, kɛ o ta lole.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

1 Kɔrent 4:8

He dɛ lii kɛŋɔ he dɔ komɛlbwa a maɡre he ne, he ɛ dɔɔhna. He berɔ ɡarɛ yaa dɛɛ di kora. Dɛ he fe dɛ di kora kpela te naa, a fe bɔ. Ya ne he bwa fe ɛ koranar.

1 Kɔrent 7:7

N te fe dɛ nyin kɛŋɔ nomɛlbwa fee bɛ haah mo, dɛ́ so ɡɛ maa soɡa nɔ. Kɛ nomɛlbwa laa Korowii ta ŋɔ ó ɡbo so dɛ bɛ haah mo. O dɛ tɛ nomɛlbwa o we-ɛɛla waa dɛ ɛ la kpeɡri, bɛl yon do kpeɡri anɔ ta, bɛl ɡe do kpeɡri anɔ ta.

2 Kɔrent 11:1

N dɛ nyin he lawɛ bambile dɛ́ no n ɡɛnewaa nɔ tama. Soŋaa mɛɛ soŋe heya.

Ɛfesos 6:20

Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.