We-ɛɛla 26:19 - mzwDBL

¹⁹ N Naa kooro, maa na ɡɛ waa nɔ la, n ta vɛɛh. Gɛ bwa Yeesu aa le nyundua ba ŋɔ n be la, n ɛo.

We-ɛɛla 26:19 ပူးပေါင်းရင်းမြစ်များ

Aesaya 50:5

Nemenɛ Korowii ɡelɔ mɛɛ no waa mun. N ta deŋnekpeɡ ɛɛ dɛ berɛ habɔɔ kpoo.

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Ɛsekeɛl 12:7

Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 26:2

“Kooro Aɡrepa, n sie lɛo kohona kɛ maa dɛ ba n kon bola he siwi ta, dɛ́ baɡle waa bwa Juu tena aa kpɔa dɛɛ daɡ mɛ nɔ.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.