We-ɛɛla 26:18 - mzwDBL

¹⁸ Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 26:18 ပူးပေါင်းရင်းမြစ်များ

Yela 119:18

Pili n sie, ń won jemɛ he waa aa dɔ kasinteŋ he Mmarare ta la.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Aesaya 29:18

Gɛ saŋ la, amumure ɛɛ noo kɛŋɔ baa dɛ kure tɔn, ásɛ nyoŋa baa soɡe biro ta la won dɛɛ na.

Aesaya 32:3

Banla baa dɛ na aa ba sie laa kpɔ kpa, baa cheɡ deŋne ɡee dɛɛ no.

Aesaya 35:5

O balaa, nyoŋa sie ɛɛ piluu bá na bɔr, ásɛ amumure ɡe no wa.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Amanesoma Luk Aa Chwera Tɔn 1:77

ásɛ dɛ ŋɔ o nɛra be ŋɔ, dɛ ba charɛ ba liire dɛ le ba wechɔɡa ta naa, wɛɛ kpɔɔ kɛ ba dɛ́ lɛɛ ba.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Luk Aa Chwera Tɔn 24:45

Anee o kpɔ lii ba, ba no Korowii Tɔn la mun.

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Jɔn Aa Chwera Tɔn 17:17

Che he kasinteŋ waa la ta, dɛ́ laa doŋa bɛlbwa kpɔ ba nɛɛ bá won ɛ he ɡbo nɛra. He waa ɛ kasinteŋ.

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Amanesoma Jɔn Aa Chwera Tɔn 9:5

N taa lɔ harɛ nɔ ta bonɔ nɔ, menee kandea dɛɛ chaah nɛra bwa.”

We-ɛɛla 10:43

Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”

We-ɛɛla 13:47

dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 20:32

N kpɔ heyaa do Korowii nɔn ta ásɛ o kpoŋe heya, ásɛ o nɛra nɛɛ suna waa la won do he bambile bini ásɛ he do kpeɡri, dɛ́ won di kapɛrɛsom la waa ɛa cheɡ nɛra waa laa ba doŋa bwa kpɔ ba nɛɛ asɛ ba ɛ o ɡbo nɛra la.

We-ɛɛla 26:19

N Naa kooro, maa na ɡɛ waa nɔ la, n ta vɛɛh. Gɛ bwa Yeesu aa le nyundua ba ŋɔ n be la, n ɛo.

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 6:14

He bɛ ɡel he ne nɛra baa wola Korowii waa lɛɛ la pɛ dɛ ɛ beŋkpoŋ, dɛkalkɛ darame bɛlbwa toole wedɛɛɡa ne wechɔɡa baah. Ɛrɛɛ bochaah ne biro ɛɛ ba wona pɛ a maɡre ɔ?

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Galaasia 3:2

Hé ɡel n bɔɔ heyaa webeŋkpoŋ. Mosis Mmara ta teŋa taa a che he dɔ Korowii Domadɛɛɡe la aa, kɛɛ haa no Yeesu Kristo waa la dɛ yaradaa taa a che nɔ?

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 10:14

Saraha beŋkpoŋ waa ɛa dɛ fee wechɔɡa nɛra nɛɛ la ɡboo ɡela ba do kaih saŋ bɛlbwa dɛɛ la.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

1 Jɔn 2:12

N bidɛɛɡa, n chwerɛ waa nɔ dɛɛ tɛ heya, dɛkalkɛ Korowii koh Yeesu waa dɛ kpɔ he wechɔɡa kɛ heya.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.