We-ɛɛla 26:14 - mzwDBL

¹⁴ Belaa ya bwa choɡli harɛ, asɛ n no kɛŋɔ nomɛl aa kpɔ ya bwɛɛ Juu tena wobol dɛɛ bol waa n be, dɛ ŋɔ, ‘Oo, Sɔɔl! Ɛrɛɛ he che n nɛɛ ɡɛ nɔɔ? He ɡbaɡbaa hɛɛ ɛ la. He ne nao baa doo ŋwɛn dɛɛ teɡɔ o ta naa dɛɛ yaɡre o dɔɔ da bwa beŋkpoŋ.’

We-ɛɛla 26:14 ပူးပေါင်းရင်းမြစ်များ

Sɛɡla 13:15

Nɛn waa dɔ wejema la, dɛ́ dɔ duure, kɛ nɛn o wa aa wola kasinteŋ dɔe te, a dɛ kaa o ne wechɔɡa ta.

Sekaria 12:2

“N dɛ ba ɡela Jerusalam do kɛ numol sen aa lɔ o bini tɛ harɛre aa baro la nɛra, ásɛ ba kpɔ nyɔ dɛ́ dɛɛ, dɛɛ yɛɛɡe. Dɛ ba tɔ Jerusalam do aa, bá tɔ Juda ɡe do ja.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

We-ɛɛla 21:40

Waa ŋɔ ɡɛ la, nomoa la tɛo ŋwɛnɛ, asɛ o che dea la sanjol ta dɛ kpɔ nɔn ɛɡɛ nɛra la ŋɔ bá tɔ nyoa. Ba tɔ nyoa surumm ken, asɛ Pɔɔl kpɔ Aram tena wobol dɛɛ bol waa ba be, dɛ ŋɔ.

We-ɛɛla 22:2

Baa noa kɛŋɔ ba ɡbaɡba wobolee wɛɛ bol ba be la, ba tɔ nyoa jeiih ken, asɛ Pɔɔl ɛɛ bol o wa, dɛ ŋɔ,

We-ɛɛla 26:13

N Naa kooro, yaa lɔ ŋwɛnɛ ta dɛɛ kaa la, ɡɛ saŋ wee aa cheɡɛ nyufala la, n ne nyiŋa dɛ nii le nyundua dɛ chaah bɔr ɡwaa wee, dɛ chaah bɔr bar n ne nɛra yaa dɛ valɛ la.

We-ɛɛla 26:15

Anee n ŋɔ, ‘Henee umeo, n Dɔɔ?’ Asɛ o ŋɔ, ‘Menee Yeesu haa cheɡɛ n nɛɛ la.

We-ɛɛla 9:7

Nɛra ba ne Sɔɔl aa dɛ kaa la no wobol ane, kɛ ba ta nɛn nae. Asɛ ba jaɡɛ che, ba ta jemɛ waa baa bol.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?