We-ɛɛla 25:3 - mzwDBL

³ ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo.

We-ɛɛla 25:3 ပူးပေါင်းရင်းမြစ်များ

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Amanesoma Jɔn Aa Chwera Tɔn 16:3

Anɔ bwaa baa ba heyaa ɛɛ, dɛkalkɛŋɔ baa n ne n Mɛɛ jemɛ.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

We-ɛɛla 9:24

asɛ o no ba waa baa vɔrɔwa la. Dɛ ba dɛ daah bwɛjen la doonyoone chɔɔ ne jwaana bwa dɛɛ nyin bɔr dɛ́ kpoo.

Tɔn Pɔɔl Aa Chwerɛ Rom Tena 3:8

Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.