We-ɛɛla 25:11 - mzwDBL

¹¹ Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”

We-ɛɛla 25:11 ပူးပေါင်းရင်းမြစ်များ

We-ɛɛla 28:19

Baa ŋɔa bá ta mɛ la, ya bwɛɛ tena ta sɛɛh kwaraa, asɛ n koh a waa ŋɔ amɔ te bá tel n ne Rom Koojen Siisa sie ó ka nyiŋi a ta. Kasinteŋ, dɛ anɔ laa aa, n ne ya bwɛɛ tena ta wobɛlbwa dɔe.

We-ɛɛla 26:32

Kooro Aɡrepa ŋɔ Nomoa Fɛstɔs be ŋɔ, “Dɛ ken laa o soŋe ŋɔ hé la o ne Rom Koojen Siisa be ó ka bol o waa dɛ́ pa bole nɔ naa, n fe ɛɛ ŋɔɔ hé kpɔɔ ta wɛɛ la.”

We-ɛɛla 25:25

Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be.

We-ɛɛla 25:21

Maa ŋɔ ɡɛ la, o soŋɔ ŋɔ wɛɛ chɔ dea ka tel kɛ Rom Koojen Siisa ɡbaɡba aa bol o waa la dɛ́ pa bole. A waa n tɔɔ do dea la, ásɛ n baa dɔ ŋwɛnɛ aa, ń ɡel o la bela.”

1 Tesalonika 2:15

Juu tena nɔɔ kpo ya Dɔɔ Yeesu Kristo ne Korowii keamere la, dɛ hah yaa, dɛ doŋi yaa la. Gɛ nɛnchɔɡa nɔ aa Korowii siwi su. Ba ɛ nɛra bwa dɔm,

We-ɛɛla 25:10

Belaa Pɔɔl ŋɔ, “Akai! Rom Koojen ɡbaɡba nɛra sie n che taraken nɔ. Bonɔɔ chɛ kɛ ba bol n waa nɔ dɛ́ pa bole. He ɡbabir jemɔ kɛ n ta Israel tena nɔ wechɔɡe bɛlbwa ɛɛ.

We-ɛɛla 22:25

Baa ŋɔa ba lɔɔro la, o pɛɛ ba bini nomoa la ŋɔ, “Ŋwɛnɛ lole kɛŋɔ he lɔɔ Rom te dɛ ba ta o waa bolɛ dɛ́ na wechɔɡa waa ɛa aa?”

We-ɛɛla 18:14

Pɔɔl te ne ŋɔ o bol waa dɛ Galio ŋɔ Juu tena la be ŋɔ, “Juu tena, dɛ tonchɔɡa anee baa nɔ fe tomɛ nɔ naa, ŋwɛnɛ fe lole kɛ ń lawɛ bambile dɛ́ no he be.

We-ɛɛla 16:37

Anee Pɔɔl ŋɔ toroma la be ŋɔ, “Rom tenaa ya bwa, kɛ ba lɔɔ yaa pɛɛpɛɛ bombaah ta dɛ tɔ yaa dea, dɛ ba ta ya waa bolɛ dɛ na wechɔɡa bɛlbwa ya nɛ. Aah taraken nɔ sɔeh ba berɛ dɛɛ nyin dɛ sɔh ta yaa nɔ naa? Aa maɡre! Hé ɡel Rom nomonome la ɡbaɡba ba lawɛ yaa le!”

Job Tɔn 31:21

kɛɛ dɛ n aah bilalbie dɛ fiiɡu, jema maa jema kɛŋɔ mɛɛ di bole kɔɔto la waa yaa,

1 Samoɛl 27:1

Devid baa lii o nyu bini ŋɔ, “Tɔpebɛl Kooro Sɔɔl ɛɛ ba kpo mɛɛ. Chwae chɛ kɛ ń chwa kaa Filisti tena harɛ ta ka so. Anee dɛ́ ɡel ó ɡel n bɔr ɡaaɡa Israel harɛ ta bobɛlbwa, dɛ bɛ men dɔ lawɛ.”

Josua 22:22

“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.

Jeremia 37:18

Belaa n bɔɔ Kooro Sedekia ŋɔ, “Wechɔɡa besoo n ɛ he ne he nomonome ne nɛra nɔ, asɛ he laɡ mɛ do dea nɔɔ?

We-ɛɛla 25:12

Belaa Fɛstɔs ne o nomonome le jina. Baa bala la, Fɛstɔs ŋɔ Pɔɔl be ŋɔ, “Dɛ he ŋɔ hɛɛ la Rom Koojen bee ó ka bol waa nɔ dɛ́ pa bole te naa, hɛɛ la o bee.”