We-ɛɛla 24:5 - mzwDBL

⁵ Nɛnchɔɡe bɛlbwa ta baa nɔ tele! O ne bɔpɛo aa somɛ! O toma bwaa kɛ ó valɛ bol waa dɛɛ ir Juu tena bwaawee, ásɛ baa lɛ ɡaeh harɛ bɛlbwa waa la o ta la ta. Nɛra bane baa dɛ teŋɛ Korowii toma ŋwɛnɛfale bɛl waa wola were la ta asɛ baa yer ba Nasarɛt tena la, ba nomoaa on.

We-ɛɛla 24:5 ပူးပေါင်းရင်းမြစ်များ

Ɛsta 3:8

Belaa Heeman la ka ŋɔ Kooro Sɛksɛs be ŋɔ, “N naa kooro, nɛra bane perɛ he kora harɛre la ta bobɛlbwa. Ba we-ɛɛla korɛ nɛra bwa we-ɛɛla ta. Baa he kora mmarare ɡe ta teŋɛ, anomanta, dɛ he le ba ne naa, a fe wer.

Jeremia 37:13

Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Emɔs 7:10

Belaa sɔfo Amasea waa lɔ Bɛtel la kpɔ kala tɛ Israel Kooro Jɛroboam ŋɔ, “Emɔs dɛ vɔrɔwe he vɔrɔwa Israel harɛ ta bonɔ. O waa waa dɛ bol la ɡwaalɔ to.

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Matiu 2:23

asɛ o kaa Galilia harɛ ta dɛ ka so bwɛɛ bɛl baa dɛ yerɔ Nasarɛt la ta. Anee ɡela waa Korowii keame la fa aa bola ŋɔ, “Baa yerɔ Nasarɛt tee” la ɛ kasinteŋ.

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Amanesoma Luk Aa Chwera Tɔn 23:19

Gɛ Barabas nɔ ɛ nomɛl waa ja waane ba fa aa ir a ne bwɛjen la ta, dɛ vuuɡi Rom Koojen nomonome ba fa aa dɛ nyiŋi ba harɛ la ta, asɛ dɛ kpoo nɛra ɡe ja, asɛ ba lawɔ ka do dea.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Luk Aa Chwera Tɔn 23:25

Paelet le baa la waa ja waane ba fa aa ir a ne dɛ vuuɡi Rom Koojen nomonome, dɛ kpoo nɛra ba doo dea la ta o kaa, asɛ dɛ kpɔ Yeesu tɛɛ ba ŋɔ bá ka ɛo ɡɛ bwa baa dɛ nyin.

Amanesoma Luk Aa Chwera Tɔn 23:5

Dɛ nɛra la nyoa ta kpeɡri, ba bol ane dɛɛ dawɛ Yeesu ŋɔ, “O kpɔ o webaɡla dɛɛ chɔɡ nɛra liire Juu tena harɛ bwa ta taraken. Galilia harɛ taa o pa mun, dɛ kpɔ ba le bonɔ!”

We-ɛɛla 15:5

Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”

We-ɛɛla 21:28

dɛ kpɔ takpeɡ dɛɛ ŋɔ, “Israel tena, hé ba cha yaa oo! Baa nɔɔ vala dɛɛ bol waa bobɛlbwa dɛɛ yaɡɛ ya Israel tena ne Mosis Mmara ne Korowii Dea nɔ la. Name te kwara doŋaa o kpɔ baa jo ya Korowii Dea nɔ bini. Nɛra baa wola Juu tena ɛɛ, Grik tena baa wola chɛɛ kɛŋɔ ba jo Korowii Dea la, banee o lawɛ baa jo o bini!”

We-ɛɛla 22:22

Pɔɔl aa dɛ bol o waa la bwa dɛ nɛra la bwa cheɡ deŋne dɛɛ no o be. Kɛ waa ba dɛ bol nɛra baa wola Juu tena ɛɛ be laŋa waa la, ba baah diu baa nyɛɡ kohona dɛɛ ŋɔ, “Hé le o ne! Bɔkwaa he ɡel o che dɛɛ ɛɔ?”

We-ɛɛla 24:14

Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.

We-ɛɛla 24:4

Maa nyin kɛ n kpɔ wobobala lawɛ so biɡri. Kɛ n poori, lawɛ bambile dɛ no ya wetamaa nɔ.

We-ɛɛla 25:7

Pɔɔl aa bala la, Juu tena baa le Jerusalam la baa che o jwɛɛh dɛ bol waa aa wola were dawɛ o nɛ. Kɛ ane a bwa, ba ta wone dɔ wobɛlbwa dɛ chaɡle kɛ ba waa la ɛ kasinteŋ.

We-ɛɛla 26:5

Dɛ ba sɛoh ŋɔ bá bol kasinteŋ aa, ba fe ɛɛ wonoo di danseɛ kɛŋɔ, ya Juu tena Korowii toma ŋwɛnɛ o ta teŋa aa kpeɡa kohona, baa yerɛ o nɛra Farisii tena la, o taa n ɡe ɛɛ teŋɛ.

We-ɛɛla 28:22

Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”

We-ɛɛla 5:17

Kɛ Sɔfonomoa la ne o nɛra baa ɛ Saduki tena la bwa aa na toma Yeesu toroma la aa dɛ tomɛ la, a ɛɛ ba bɔweela kohona,

We-ɛɛla 6:13

Ba ɡelɔ nɛra bane ɡe ba teŋe nyosone, dɛ bol waa baa wola nae bwa dawɛ Steeven nɛɛ ŋɔ, “Tɔpere bɛlbwaa baa nɔ bol waa dɛɛ yaɡɛ ya Korowii Dea nɔ ne Mosis Mmara la.

1 Kɔrent 11:19

Aa ba ɡɛɛ. Dɛ a ta ɡɛ balaa, nɛra aa won jemɛ banɔ la baa ɛ nɛndɛɛɡa he bini.

1 Kɔrent 4:13

Nɛra dɛ chɔɡ ya sɔn, kɛ ya te dɛ kwaa ba sɔn. Ya do kɛŋɔ puldoa haahra nɛra be, hale ba le fini.

1 Pita 2:19

Maa dɛ ŋɔ nɔ, naate baa dɛ fiiɡu aa wola aŋwɛnɛ ta ɛɛ, asɛ o koh Korowii waa dɛ won lawɛ bambile la, a wer dɛɛ lɛ Korowii sie.