We-ɛɛla 24:26 - mzwDBL

²⁶ Dɛ o dɛ lii kɛ Pɔɔl ɛɛ tɛo suuɡaa, anomanta, tama dɛ o yerɔ ŋɔ ó ba ásɛ baa bol wa.

We-ɛɛla 24:26 ပူးပေါင်းရင်းမြစ်များ

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

Job Tɔn 15:34

Nɛra baa wola Korowii tomɛ la aa biirii dɔ, ásɛ nii fuh nɛra baa dɛ nyin kɛ baa yaɡ ba sen la deremi.

Kaala 23:8

He bɛ nɛn sen dɛɛ yawɛ, nɛn sen yawa dɛ tɔ nɛra baa dɛ bol waa la sie, dɛɛ ɡole nɛn o wa aa toɡra waa sie.

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Sɛɡla 17:8

Nɛn waa dɛ yawɛ nomɛl sen la, dɛ lii kɛŋɔ a ɛ ŋwɛnɛ bɛl waa kpɔ o ta dɛ vɔrɔwo. O dɛ lii kɛ ɡɛɛ dɛ́ ɡel o wobɛlbwa do wer tɛo.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 29:4

Kooro waa dɛ di kasinteŋ la, o ɡelɔ harɛ la wobɛlbwa ɛɛ maɡre, kɛ onɔ la o sie aa dɛ lɛ kɛ baa yawɔ sen te dɛ paɡre harɛ.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Hosia 4:18

Ba nyɔ sen tonaa, ba ka dɛ bɔ ba jwamane la ja. Ba sie dɛ lɛ sihihwaa ta ɡwaa anɔ la aa tɛɛ ba jirima.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

Matiu 17:3

O habɔteŋra batoro la berɛ ŋɔ ba nyiŋi, dɛ Mosis ne Elaeja ja Yeesu nɛɛ baa bol wa.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.