We-ɛɛla 24:25 - mzwDBL

²⁵ Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

We-ɛɛla 24:25 ပူးပေါင်းရင်းမြစ်များ

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

Ɛsra 10:9

Tɔpera atoro la ne tela la, dɛ baala baa soɡe Juda harɛ ne Bɛnjamen dea harɛ bwa cheme Jerusalam. Asɛ korobie anuanaarɛ tɔpera fifraanɛ ta la, ba ka so Korowii Dea dembaah bela. Dɛ bwaala dɛ nɛ kohona, asɛ ba so o bini dɛɛ chel, dɛkalkɛŋɔ dɛ ba chema la waa hiaoh kohona.

Job Tɔn 29:14

Toɡra n wa aa toɡra do kɛŋɔ maa tɔ yal, kasinteŋ bola ɡe do kɛŋɔ maa do batakaare dɛ kpɔ yal vɔwɛ nyu.

Yela 11:7

Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Yela 72:2

ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

Sɛɡla 16:12

Kooro bɛlbwa kii wechɔɡa, waa aa toɡraa ɡela kora ɛɛ che.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 41:21

Korowii, Israel tena kooro la ŋɔ, “Hé kpɔ he waa ba, dɛ́ ba baɡle ɡɛ aa ɛa he kon do som.

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

Jeremia 36:16

Baa no tɔn la bini waa la, ba nyiŋi dɔŋa sie bochela ne dɛ ŋɔ Baruk be ŋɔ, “A chɛ kɛ yá bol waa nɔ bwa baɡle kooro.”

Ɛsekeɛl 45:9

Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Hosia 7:5

Kooro tɔpejen bɛl dii ta la, nomonome la nyɔ sen dɛɛ, asɛ kooro ne sennyɔɔra la dɛɛ, dɛɛ ɛ ɡɛnewa.

Emɔs 5:24

Kɛ, hé ɡel kasinteŋ do le saŋ bɛlbwa, kɛŋɔ moo aa dɛ palɛ, waa aa toɡra ɡe do kɛŋɔ nenabɔɔ waa wola hweeh bwa.

Emɔs 6:12

Jaɡre won bwea dor chwae yaa? Nɛn ɛɛ kpɔ nae ka parɛ bela aa? Kɛ he ɡelɔ kasinteŋ do kɛ tɛɡchɔɡa, asɛ waa aa toɡra berɛ do kɛŋɔ wechɔɡa ken.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Haɡae 1:2

Koranar Bwa Kooro ŋɔ Haɡae be ŋɔ, “Nɛra nɔ ŋɔ saŋ ta tele kɛŋɔ ba berɛ kwaa ma n Dea la.”

Matiu 22:5

A bwa pɛpɛrɛ nɛ, ba vɛoh dɛ kaa ba tomare ta. Bɛl kaa o koo, bɛl ɡe kaa o bonadibɔr,

Amanesoma Jɔn Aa Chwera Tɔn 16:8

Dɛ o balaa, wɛɛ di nɛra kasinteŋii dɛ́ ɡel ba jemɛ waa aa ɛ wechɔɡa, ne waa aa dɛ su Korowii siwi, ne ɡɛ Korowii bole pae waa aa doa.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

We-ɛɛla 17:13

Juu tena baa lɔ Tesalonika aa noa kɛŋɔ Pɔɔl kaa bol Korowii Waa Bɛrea ɡe la, ba ba bela dɛ ba do ba, asɛ ba bwaawee ir Pɔɔlwa nɛ.

We-ɛɛla 17:2

Pɔɔl la cheremi dea bela ɡɛ o yon dɛɛ ɛ bwɛɛre bwa ta la. Waa lɔ bela la, o yawanyoa atoro bwa dɛ o ne Juu tena la dɛ bol waa dɛɛ tɔŋle dɔŋa Korowii waa baa chwera la ta.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

We-ɛɛla 2:37

Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.

We-ɛɛla 24:26

Dɛ o dɛ lii kɛ Pɔɔl ɛɛ tɛo suuɡaa, anomanta, tama dɛ o yerɔ ŋɔ ó ba ásɛ baa bol wa.

We-ɛɛla 26:28

Belaa Kooro Aɡrepa ŋɔ, “He dɛ lii kɛ hɛɛ wonoo ɡel n berɛ asɔre te buɡ nɔ ta kɛɛ?”

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 14:12

Anomanta, ya bɛlbwa ɛɛ baɡle o toma waa ɛa Korowii siee.

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Galaasia 5:23

ne pwɛre doe, dɛ ɡel nɛn won o te lawa. Harɛ bɛlbwa toole dɛ ki a ɡɛ waa nɔ.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

Taetos 1:8

A chɛ kɛ o ɛ nɛn waa dɛ nyin hɔɔhra lɛɛ, dɛɛ nyin wedɛɛɡa, dɛ dɔ nfɛrɛ kɛrɛdɛ, o waa do kaih, wedoŋa bɛlbwa aa wola toole o nɛ, wɛɛ lawɛ o te kɛrɛdɛ.

Hibru 12:21

Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

2 Pita 1:6

dɛ́ won dɛɛ lawɛ he te dɛɛ ja he wejema ta. Hɛ́ɛ lawɛ bambile dɛɛ ja he te lawa ta, dɛ kpɔ Korowii ɔma dɛɛ ja he bambile lawa ta.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

1 Samoɛl 12:7

Name, hé che bonɔ, ásɛ n ɡel Korowii bol he be hé jemɛ nyokpowe-ɛɛla waa ɛa dɛ́ lɛ he ne he naawa la.