We-ɛɛla 24:24 - mzwDBL

²⁴ Aa baa di tɔpera anɛ la, Fɛlekse ne o haah Drusila ba Sisaaria. Dɛ Juu tee o haah la. Fɛlekse ɡelɔ ba ka yerɛ Pɔɔl, asɛ o baa baɡlo ɡɛ baa teŋɛ Yeesu Kristo nɛɛ dɛ́ yaradao.

We-ɛɛla 24:24 ပူးပေါင်းရင်းမြစ်များ

Amanesoma Mak Aa Chwera Tɔn 6:20

Kooro la ɔmɛ Jɔn, dɛkalkɛ Jɔn ɛ nɛndɛɛɡe o waa toɡre, anomanta, o nyiŋu kɛrɛdɛ. Jɔn aa dɛ bol waa la, kooro la bwara yɔrɔ, kɛ ane a bwa, o no waa la silɛɛ ne.

Amanesoma Luk Aa Chwera Tɔn 19:3

Dɛ o dɛ nyin dɛ na ɡɛ Yeesu aa doa, kɛ nɛnlaa la nomanta o ta on nae, dɛkalkɛ o ɛ nɛmbora.

Amanesoma Luk Aa Chwera Tɔn 23:8

Waa na Yeesu la, dɛ o sie lɛo taeh. Waa no o waa dɛ fe ɛɛ nyinu o ɛ nyokpowaa ó na biɡro, anomanta, dɛ o dɛ nyinu dɛ́ na.

We-ɛɛla 16:31

Belaa ba ŋɔ, “Yarada ya Dɔɔ Yeesu dɛ́ kpɔ he te tɛo. He ɛ ɡɛ naa, wɛɛ lɛ he ne he dem tena bwaa.”

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

We-ɛɛla 26:22

Dɛ le ɡɛ saŋ nɔ bwa ba le fini nɔ, n dɛ lii kɛŋɔ Korowii alaworomɛɛ n ta do le, dɛ won che he sie dɛɛ di waa nɔ danseɛ nomonjena ne bechale bwa be nɔ. Waa Korowii keamere ne Mosis fa aa dɛ bol ŋɔ aa ɛo laanee n ɡe ɛɛ bol.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 3:2

Hé ɡel n bɔɔ heyaa webeŋkpoŋ. Mosis Mmara ta teŋa taa a che he dɔ Korowii Domadɛɛɡe la aa, kɛɛ haa no Yeesu Kristo waa la dɛ yaradaa taa a che nɔ?

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.