We-ɛɛla 24:11 - mzwDBL

¹¹ Maa la Korowii soŋebɔr Jerusalam la, a ta tɔpera fi dɛ anɛ kwaraa ɡwaalɛ. He dɛ nyin hé pɛɛ no.

We-ɛɛla 24:11 ပူးပေါင်းရင်းမြစ်များ

We-ɛɛla 21:18

Tɔ aa pera la, Pɔɔl kpɔ yaa la Jems be, dɛ asɔre tena nomonome la bwa lɔ bela.

We-ɛɛla 22:30

Nomoa la dɛ nyin o jemɛ waa la Pɔɔl aa ɛa asɛ Juu tena la baah di o nɛɛ la kɛrɛdɛ. Anomanta, tɔ aa pera la, o ɡelɔ ba le Pɔɔl dea, dɛ ɡel Sɔfonomonome ne Juu tena nomonome baa dɛ bol waa la bwa cheme. Baa chema la, o ɡelɔ Pɔɔl ba che ba sie.

We-ɛɛla 23:11

Awola jwaana ne la, ya Dɔɔ Yeesu baa che Pɔɔl jwɛh dɛ ŋɔ o be ŋɔ, “Bɛ ɔmɛ. Hɛɛ di danseɛ tɛ mɛ Rom ɡɛ haa dia tɛ mɛ Jerusalam nɔ.”

We-ɛɛla 23:23

Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ.

We-ɛɛla 24:1

Tɔpera anue aa baa ɡale la, Sɔfonomoa Ananias ne nomonome bane ne mmara jereme bɛl baa dɛ yerɔ Tɛtolɔs la la Sisaaria. Ba la ba harɛ nomoa Fɛlekse be bela baa dɛ ba waa bola la, dɛ ka baɡle waa Pɔɔl aa ɛa ba ne o dɔ la.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.