We-ɛɛla 23:6 - mzwDBL

⁶ Pɔɔl nyiŋi nɛra baa cheme bela la dɛ na kɛŋɔ bane ɛ Saduki tena, asɛ bane ɡe ɛ Farisii tena. Belaa o kpɔ takpeɡ ŋɔ, “Yabala, Farisii tee men noo! Farisii tena biee men. N dɛ hwɛɡɛ kɛ nɛra ɛɛ ir seo taa. Gɛ hwɛɡa nɔ maa dɔa nɔ waa ba ba n ne ŋɔ hé bol n waa dɛ́ pa bole la!”

We-ɛɛla 23:6 ပူးပေါင်းရင်းမြစ်များ

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 22:23

Awola tenten la, Saduki tena ba Yeesu be. Dɛ baa yarada kɛŋɔ nɛn sewaa, wɛɛ berɔɔ ir ja.

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

We-ɛɛla 22:3

“Juu tee men. Silisia harɛ bwɛɛ baa dɛ yerɔ Taasos la taa ba lol mɛ. Kɛ bwɛjen Jerusalam bonɔɔ ba dɛɛ mɛ, asɛ Gamaleɛl chaɡ mɛ kwa, dɛ baɡ mɛ ya naawa kii bwa, asɛ mɛɛ teŋɛ a ta. N sie beɡrɔ mɛɛ tomɛ Korowii ɡɛ he bɛlbwa aa dɛ tomɔ fini nɔ.

We-ɛɛla 22:30

Nomoa la dɛ nyin o jemɛ waa la Pɔɔl aa ɛa asɛ Juu tena la baah di o nɛɛ la kɛrɛdɛ. Anomanta, tɔ aa pera la, o ɡelɔ ba le Pɔɔl dea, dɛ ɡel Sɔfonomonome ne Juu tena nomonome baa dɛ bol waa la bwa cheme. Baa chema la, o ɡelɔ Pɔɔl ba che ba sie.

We-ɛɛla 22:5

Sɔfonomoa ne ya Juu tena nomonome bwa ɛɛ wonoo di danseɛ kɛŋɔ kpelaa n ŋɔ. Banee fa chwerɛ tɔne tɛ mɛ, ásɛ n won kpɔ la yabala Juu tena baa lɔ Damaskɔs la be, ásɛ ba tɛ mɛ ŋwɛnɛ ń won lawɛ ŋwɛnɛfale la tena baa lɔ bela, dɛ́ kpɔ ba ba Jerusalam ásɛ ba ka ɛɛ ba wahala.

We-ɛɛla 23:1

Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.”

We-ɛɛla 23:15

Anomanta, hé ne Juu tena nomonome baa dɛ bol waa la tomɛ nɛn soojanomonjen la be ŋɔ ó le Pɔɔl tɛ heya, á do kɛŋɔ haa dɛ nyin he kwaa nyiŋi o waa bini kɛrɛdɛ la. Ba dɛ ba o ne naa, waa bonɔɔ tel ya te kpoo.”

We-ɛɛla 23:20

Anee bonɔɔ la ŋɔ, “Juu tena vɔrɔwɔ ŋɔ baa ba soŋee ásɛ he kere kpɔ Pɔɔl tɛɛ ba bá la o ne ba nomonome baa dɛ bol waa la sie, á do kɛŋɔ baa dɛ nyin ba ka kwaa nyiŋi o waa bini kɛrɛdɛ la.

We-ɛɛla 23:7

Waa dena ŋɔ ɡɛ la, wetɔŋla chole Saduki tena la ne Farisii tena la baah. Ba nyoa ta berɛ pɛ kpa,

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.

We-ɛɛla 24:21

Webeŋkpoŋ ɡbo waa n jemɛ. Onee kɛ, awola baa chem mɛ la, n kpɔ takpeɡ ŋɔ, ‘Maa dɛ yarada kɛ nɛra bwa ɛɛ ir seo taa la, a waa he laɡ mɛ cheme bonɔ nɔ.’ ”

We-ɛɛla 28:20

A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”

Felepae 3:5

Israel tee men. Baa lol mɛ n dɔ yawanyoa la taa ba teŋe n pen. Bɛnjamen deaa n le. Israel te kaiih men, dɛkalkɛ n mɛɛ ne n nya bwa ɛ Hibru tena. Dɛ ba dɛ bol Mmara ta teŋa wa aa, nɛra baa dɛ teŋɛ Mmara ta kohona baa yer ba Farisii tena la bɛlee men.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.