We-ɛɛla 23:32 - mzwDBL

³² Asɛ tɔ aa pera la, ba bini banɔ la baa kpɔ naa ta la berɛ ba Jerusalam, dɛ ɡel konteehna tena la, asɛ ba ne Pɔɔl kaa.

We-ɛɛla 23:32 ပူးပေါင်းရင်းမြစ်များ

We-ɛɛla 23:10

Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.

We-ɛɛla 23:16

Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.

We-ɛɛla 23:23

Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ.

We-ɛɛla 23:31

Gɛ nomoa la aa baɡle soojare la, ɡɛɛ ba ɛ. Ba kpɔ Pɔɔl le jwaana dɛ ka tel o ne bwɛɛ bɛl baa dɛ yerɔ Antipatris la.