We-ɛɛla 23:19 - mzwDBL

¹⁹ Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”

We-ɛɛla 23:19 ပူးပေါင်းရင်းမြစ်များ

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Ɛsta 5:3

Kooro bɔɔro ŋɔ, “N haah Ɛsta, a som tenaa? Bɔkwaa hɛɛ nyin ɔ? Wobɛlbwa haa dɛ nyin la, mɛɛ ɛo tɛɛ. Hale harɛ maa dɛ di kora o ta nɔ peraa hɛɛ nyin kwaaraa naa, mɛɛ tɛɛ.”

Ɛsta 7:2

Baa dɛ nyɔ sen ba kondikonjena nɛɛtena dii ta la, kooro bɔɔ o haah Ɛsta ja ŋɔ, “Ɛsta, bɔkwaa hɛɛ nyin ɔ? Hale harɛ maa dɛ di kora o ta nɔ peraa hɛɛ nyin kwaraa naa, mɛɛ tɛɛ.”

Ɛsta 9:12

Kooro Sɛksɛs ŋɔ Ɛsta be ŋɔ, “Koobwɛɛ Susa bonɔ ɡbo, Juu tena la kpoo nɛra lafraanue, dɛ kpo Heeman bibaala fi ja. Dɛ he nyiŋaa, nɛra baŋwɛnɛɛ baa ba kpoora harɛre maa dɛ di kora a ta nɔ ta nɔ?” Dɛ berɛ bɔɔ Ɛsta ja ŋɔ, “Waane lole ń ɛ tɛɛ ja aa? Baɡle kon haa dɛ nyin ásɛ n ɛ tɛɛ.”

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Amanesoma Mak Aa Chwera Tɔn 10:51

Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?” Asɛ nyoŋe la ŋɔ, “Nomoa, n dɛ nyin ń won dɛɛ na.”

Amanesoma Mak Aa Chwera Tɔn 8:23

Belaa Yeesu lawɛ nyoŋe la nɔn dɛ kpɔɔ le bwɛɛ la dahara dɛ ka ta nentane do o sie ta, dɛ kpɔ nɔɔra dawɛ o nɛ, dɛ bɔɔro ŋɔ, “He dɛ na bɔr aa?”

Amanesoma Mak Aa Chwera Tɔn 9:27

Belaa Yeesu lawɛ o nɔn o ir.

Amanesoma Jɔn Aa Chwera Tɔn 18:12

Rom soojare ne ba nomoa ne Juu tena baa dɛ daah Korowii Dea lawɛ Yeesu dɛ vɔrɔwo,

We-ɛɛla 17:19

Anomanta, ba kpɔ Pɔɔl kaa bela nomonome baa dɛ yer ba Areɔpaɡos tena la, dɛ ka ŋɔ o be ŋɔ, “Baɡle he wefala haa kpoŋa dɛɛ ɡaaɡe la bini yá no.

We-ɛɛla 23:18

Sooja la la o ne ba nomoa la be dɛ ka ŋɔ o be ŋɔ, “Pɔɔl la baa doo dea laanee yer mɛ dɛ ŋɔ n be ŋɔ ń ba bonɔɔ nɔ ne he be. O dɔ waane dɛ́ bol he be.”

We-ɛɛla 23:20

Anee bonɔɔ la ŋɔ, “Juu tena vɔrɔwɔ ŋɔ baa ba soŋee ásɛ he kere kpɔ Pɔɔl tɛɛ ba bá la o ne ba nomonome baa dɛ bol waa la sie, á do kɛŋɔ baa dɛ nyin ba ka kwaa nyiŋi o waa bini kɛrɛdɛ la.