We-ɛɛla 23:16 - mzwDBL

¹⁶ Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.

We-ɛɛla 23:16 ပူးပေါင်းရင်းမြစ်များ

2 Samoɛl 17:17

Dɛ sɔfo Abiata bibaa Jonatan ne sɔfo Sadɔk bibaa Ahimas lɔ Jerusalam dahare, bule waa chɔ bobɛl baa dɛ yerɔ Ɛn Roɡel ta, dɛkalkɛ dɛ baa nyin kɛ nomɛl na ba báa jo bwɛjen la bini. Dɛ bitolo bɛlee lɔ bela dɛ yon la ba be dɛ kaa bol waa aa dɛ chiɡ, ásɛ ba ɡe berɛ ka bol kooro be.

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 24:15

Bɛ he te ɛ kɛŋɔ nɛnchɔɡa yon vɔrɔwe vɔrɔwa, dɛ́ ka bar nɛndɛɛɡa deremi cheme, dɛ́ ŋwɛɛ ba la.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

We-ɛɛla 21:34

Ate, dɛ ba dɛ nyɛɡ bobɛlbwa, bane ɛɛ bol anɔ, bane ɡee bol ane soo siwi. Baa dɛ do ɡbɔɡa ɡɛ la, o ta wone jemɛ waa la kasinteŋ, dɛ ŋɔ bá lawɛ Pɔɔl ka do soojare dejen bini.

We-ɛɛla 21:37

Soojare la aa dɛ ba Pɔɔl ne dea la bini joe la, o bol waa ba nomonjen la be dɛ ŋɔ, “Nomoa, n dɛ nyin n bol waane he be tama.” Belaa nomoa la ŋɔ, “He dɛ no Grik wobol aa?

We-ɛɛla 23:10

Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.

We-ɛɛla 23:17

Belaa Pɔɔl yerɛ soojanomonome la bɛl dɛ ŋɔ o be ŋɔ, “La bonɔɔ nɔ ne he nomonjen la be. O dɔ waane dɛ bol o be.”

We-ɛɛla 23:32

Asɛ tɔ aa pera la, ba bini banɔ la baa kpɔ naa ta la berɛ ba Jerusalam, dɛ ɡel konteehna tena la, asɛ ba ne Pɔɔl kaa.

We-ɛɛla 24:23

Waa teŋe waa la ta la, o ŋɔ nomoa waa dɛ nyiŋi Pɔɔl nɛɛ la be ŋɔ ó berɛ kaa Pɔɔl ne dea, dɛ ŋɔ wɛ́ɛ nyiŋu kɛrɛdɛ kɛŋɔ o bɛ on tɔ do dea, asɛ dɛ Pɔɔl daamanar ba o be naa, ó tɛɛ ba ŋwɛnɛ ba baa chao.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”