We-ɛɛla 23:10 - mzwDBL

¹⁰ Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.

We-ɛɛla 23:10 ပူးပေါင်းရင်းမြစ်များ

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

We-ɛɛla 22:24

Anomanta, soojanomonjen la ɡelɔ ba kpɔ Pɔɔl jo dea. Dɛ o ta wone jemɛ waa aa bala nɛra la ɛɛ nyɛɡ ɡɛ la. Anomanta, o ŋɔ bá lɔɔ Pɔɔl bampɔrɔ ŋwɛɛra ne, dɛ́ ɛo hɔhɔrɔwa ásɛ o fe sɛh chɔɡre dɛ bol kasinteŋ.

We-ɛɛla 23:32

Asɛ tɔ aa pera la, ba bini banɔ la baa kpɔ naa ta la berɛ ba Jerusalam, dɛ ɡel konteehna tena la, asɛ ba ne Pɔɔl kaa.

We-ɛɛla 23:27

Juu tena lawɛ baa nɔ dɛ fe ɛɛ nyin o kpoe, asɛ n ka le ba nɛ, dɛ no kɛ o ɛ Rom te, dɛ kpɔ soojare ka lɛo.

We-ɛɛla 23:16

Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.

Maeka 3:3

He dɛ chwe ba ola dɛɛ swe ba bɔtɔne, dɛ chɛwɛ ba hoɡa jeɡrejeɡre, kɛŋɔ ba yon chɛwɛ ola do vii bini la ken.”

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Yela 7:2

ásɛ ba bɛ n bini peeɡe kɛŋɔ nyujente, dɛ́ toɡri n bini nomɛlbwa aa wola won lɛɛ mɛ.

We-ɛɛla 21:37

Soojare la aa dɛ ba Pɔɔl ne dea la bini joe la, o bol waa ba nomonjen la be dɛ ŋɔ, “Nomoa, n dɛ nyin n bol waane he be tama.” Belaa nomoa la ŋɔ, “He dɛ no Grik wobol aa?

We-ɛɛla 23:28

Maa lɛo dɛɛ nyin n jemɛ waa la waa baa dɛ nyin o kpoe la, n kpɔɔ la Juu tena nomonome baa dɛ bol waa dɛɛ pa bole la sie.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.