We-ɛɛla 22:14 - mzwDBL

¹⁴ Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

We-ɛɛla 22:14 ပူးပေါင်းရင်းမြစ်များ

2 Koranar 21:22

O berɛ habɔɔ kpo Korowii o naawa aa toma la, dɛ vɛh Korowii waa ta teŋa.

1 Webena 12:17

Asɛ Kooro Devid ir ka chem ba dɛ ŋɔ, “Dɛ deŋnesɔɔhna nee hɛɛ ba n be dɛ́ ba cha mɛ naa, n sɛoh kɛŋɔ ya nyoa pɛ. Kɛ dɛ he balɔ, dɛ́ ba lee mɛ tɛ n dɔma maa wola wechɔɡe bɛlbwa lii nɔ tenaa, Korowii ya naawa aa tomɔ laanee dɛ́ tɛr he deŋne.”

1 Webena 29:18

N Naa Korowii, ya naa Abraham ne Aesek dɛ Jekɔb aa tomɛ, ɡel ɡɛ nyina nɔ do he nɛra bambile ta saŋ bɛlbwa dɛɛ la, asɛ ba waa dɔ kasinteŋ tɛ he ɡbo.

2 Webena 28:25

O berɔ ɛ bɔr tɛ voɡtoroma Juda harɛ ta bwɛjena ne bwɛɛre ta, dɛ fuh daawiile dɛɛ tɛ harɛre ane voɡa. Anɔ ɡelɔ Korowii o naawa aa tomɔ la baah di o nɛɛ kɛrɛdɛ.

2 Webena 30:19

“N Naa Korowii ya naawa aa tomɛ, che he wer haa doa ta dɛ́ kpɔ kɛ nɛra baa dɛ tomɛ bambile bwa ne nɔ, a lole kɛŋɔ ba ta doŋa laa kpɔ ba nɛ.”

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Jeremia 1:5

“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”

Daneɛl 2:23

N Naa Korowii ya naawa aa tomɛ, n dɛ jaame dɛɛ kpɛɛre. He tɛ mɛ wejema ne kpeɡri, dɛ pili waa yaa soŋe bini baɡ mɛ, he ɡelɔ ya jemɛ kooro deera.”

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

We-ɛɛla 13:17

Korowii ya Israel tena nɔ aa dɛ tomɛ la fa le ya naawa ŋɔ bá ɛ o nɛra nɛwɛnyina bwa bini. A ɡɛ saŋ baa lɔ Ijipt harɛ la, o ɡelɔ ba warɛ, asɛ ba sɔn ɡe le kohona. Belaa o ba kpɔ ba le Ijipt harɛ o kpeɡri ne,

We-ɛɛla 22:15

O ɛ ɡɛ ásɛ he won di danseɛ tɛo nɛra bwa be waa haa naa bwa ta, ne waa haa noa bwa ta.

We-ɛɛla 22:18

N na n Dɔɔ Yeesu, asɛ o ŋɔ n be ŋɔ, ‘Le Jerusalam warane. N waa nɔ haa dɛ di a danseɛ nɔ, Jerusalam tena aa a noe ba.’

We-ɛɛla 24:14

Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.

We-ɛɛla 26:16

Ir che! N dɛ nyin n lee ásɛ he ɛ n bonɔɔ dɛ valɛ dɛɛ bol waa haa naa fini nɔ, ne anɔ la haa naa kerekere la nɛra be. A waa n kpɔ n te chaɡle la.

We-ɛɛla 5:30

Korowii la ya naawa aa dɛ tomɔ laanee ir Yeesu la haa kpaaro pɛl daɡaɡre ta dɛ kpoo la.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

We-ɛɛla 9:17

Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

1 Kɔrent 11:23

Ya Dɔɔ Yeesu baɡ mɛ waa nɔ n ɡe baɡle heyaa kɛŋɔ o fa ɛ waane jwaana baa leo tɛ la. O kpɔ paanoo,

1 Kɔrent 15:3

Gɛ Korowii aa baɡ mɛ laanee n baɡle heyaa la. O baɡle waane aa ɛ wejena kɛŋɔ ɡɛ Yeesu Kristo aa koh ya wechɔɡa waa dɛ sewɛ ɡɛ Korowii Tɔn aa baɡle o waa mɔɔ a ɛ la.

1 Kɔrent 15:8

Menee ka mun nao. N do kɛŋɔ bechala o nya aa kpoŋe o tea o ta beɛ kɛrɛdɛ mɔɔ ba lolɔ la.

1 Kɔrent 9:1

N ta n te dɔe dɛɛ di n nyu aa? N ta Yeesu torome ɛɛ yaa? N ta ya Dɔɔ Yeesu nae yaa? He teŋa haa dɛ teŋɛ Yeesu nɛɛ nɔ le toma maa ɛa he bini ya Dɔɔ kpeɡri ta la.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Galaasia 1:12

Nɛwɛnyini laa tɛ mɛ ɡɛ wejema nɔ. Nɛwɛnyini laa baɡ mɛ. Yeesu Kristo ɡbaɡbaa pili a bini baɡ mɛ dɛ ɡel n jemɛ a wa.

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

2 Timoti 1:1

Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Jɔn 2:1

N bidɛɛɡa, n chwerɛ waa nɔ dɛɛ tɛ heya, ásɛ he bɛ wechɔɡa dɛɛ ɛ. Kɛ dɛ nomɛlbwa ɡarɔ ɛ wechɔɡa aa, ya dɔ nomɛl o do ya Mɛɛ waa lɔ nyundua la be, dɛ́ soŋe ya wechɔɡa dɛɛ tɛ yaa. Onee Yeesu Kristo la. O Waa Toɡrɔ.