We-ɛɛla 21:37 - mzwDBL

³⁷ Soojare la aa dɛ ba Pɔɔl ne dea la bini joe la, o bol waa ba nomonjen la be dɛ ŋɔ, “Nomoa, n dɛ nyin n bol waane he be tama.” Belaa nomoa la ŋɔ, “He dɛ no Grik wobol aa?

We-ɛɛla 21:37 ပူးပေါင်းရင်းမြစ်များ

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 19:30

Pɔɔl fe dɛ nyin nɛra la be bela laŋa, kɛ nɛra baa dɛ teŋɛ Yeesu nɛɛ la ta on ŋwɛnɛ tɛɛ.

We-ɛɛla 21:19

Pɔɔl ne ba lea dɔŋa, asɛ o baɡle waa bwa Korowii aa chao o won ɛ nɛra baa wola Juu tena ɛɛ la harɛre ta.

We-ɛɛla 21:34

Ate, dɛ ba dɛ nyɛɡ bobɛlbwa, bane ɛɛ bol anɔ, bane ɡee bol ane soo siwi. Baa dɛ do ɡbɔɡa ɡɛ la, o ta wone jemɛ waa la kasinteŋ, dɛ ŋɔ bá lawɛ Pɔɔl ka do soojare dejen bini.

We-ɛɛla 22:24

Anomanta, soojanomonjen la ɡelɔ ba kpɔ Pɔɔl jo dea. Dɛ o ta wone jemɛ waa aa bala nɛra la ɛɛ nyɛɡ ɡɛ la. Anomanta, o ŋɔ bá lɔɔ Pɔɔl bampɔrɔ ŋwɛɛra ne, dɛ́ ɛo hɔhɔrɔwa ásɛ o fe sɛh chɔɡre dɛ bol kasinteŋ.

We-ɛɛla 23:10

Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.

We-ɛɛla 23:16

Jaah Pɔɔl nimambie bɛl bibaa no ɡɛ waa la. Anomanta, o la soojare dejen baa kpɔ Pɔɔl ka do o bini la ta, dɛ ka ŋɔ o be.