Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




We-ɛɛla 21:11 - mzwDBL

11 Waa ba ya be la, o baa kpɔ Pɔɔl kiriso, dɛ vɔrɔwe o ɡbaɡba nɔɔra ne nakpale dɛ ŋɔ ya be ŋɔ, “Kenii Korowii Domadɛɛɡe ŋɔ, Juu tena ɛɛ vɔrɔwe kiriso nɔ te kenii Jerusalam, dɛ kpɔɔ do nɛra baa wola Juu tena ɛɛ nɔn ta.”

အခန်းကိုကြည့်ပါ။ ကော်ပီ




We-ɛɛla 21:11
34 ပူးပေါင်းရင်းမြစ်များ  

Korowii keamere la bini bɛlee Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena, dɛ́ pɔ ba nɛ.’ ”


a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.


Korowii berɔ ŋɔ men Jeremia be ŋɔ, “Ir la ka yawɛ leo le o mamaa be. Kpɔ bwɛjen la nomonome ne sɔfore la bane ja he nɛ,


N bol waa keamere la be, dɛ ɡel ba na wepila taeh, dɛ che ba nɛɛ kpɔ sɛɡla bol waa he be dɛ ja heya.


Yeesu aa soŋe Korowii tonɛ la, o ne o habɔteŋra la leɔ, dɛ ka le nenabɔɔ Kedrɔn. Dɛ ba ɛ bodɛɛɡe bɛl dɛ du daa ane bela, asɛ ba ka jo a baah.


Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”


Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.


Waa maa jema bwaa kɛŋɔ bwɛjen bɛlbwa ta maa la la, ɡɛɛ Korowii Domadɛɛɡe che nɛra nɛɛ dɛ ŋɔ wahala ne dea chɔe chɔ n sie dɛɛ kpaa mɛ.


Nomoa la baa lawɛ Pɔɔl dɛ ɡel ba doo jɔɡrɔre, dɛ bɔɔ nɛra la ŋɔ, “Nɛn besoo baa nɔɔ? Webesoo o ɛɔ?”


Ya nyin asɔre tena baa lɔ bela la bɔr, dɛ so ba be yawanyoa. Bela la Korowii Domadɛɛɡe la ɡelɔ ba ŋɔ Pɔɔl be ŋɔ o bɛ Jerusalam la.


Baa ŋɔa ba lɔɔro la, o pɛɛ ba bini nomoa la ŋɔ, “Ŋwɛnɛ lole kɛŋɔ he lɔɔ Rom te dɛ ba ta o waa bolɛ dɛ́ na wechɔɡa waa ɛa aa?”


Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.


Anee Pɔɔl ŋɔ, “Dɛ buɡ nɔ taa yoo, dɛ kerekeree yoo, n te waa maa dɛ soŋe Korowii laanee kɛŋɔ, he ne nɛra baa dɛ no n waa fini nɔ fe do kɛŋɔ maa doa nɔ. Kɛ maa soŋe kɛ ba doe jɔɡrɔre kɛ baa do mɛ nɔ te.”


Pɔɔl aa di tɔpera atoro Rom la, o yerɛ bela Juu tena nomonome bwa cheme dɛ ŋɔ ba be ŋɔ, “Yabala, n ta ya bwɛɛ tena wobɛlbwa ɛɛ, n ta ya naawa waa baa dɛ ɛ la bɛlbwa nɛɛ joɛ, asɛ ba laɡ mɛ Jerusalam, dɛ kpɔ mɛ tɛ Rom tena ba tɔ mɛ dea la.


A waa n ŋɔ a chɛ kɛ n na heya, ásɛ dɛ kpɔ bil he sie, dɛkalkɛ nɛn Juu tena bwa aa dɛ hwɛɡɛ o nɛɛ kɛŋɔ wɛɛ ba lɛ yaa la waa ba laɡ mɛ dɛ do mɛ jɔɡrɔre n nɔɔra nɔ.”


Pɔɔl bol waa tonɛ asɛ baa ba peɡra. Dɛ ba bwa liire ta beŋkpoŋ ɛɛ, baa tɔŋle dɔŋa. O berɔ bol webeŋkpoŋ ja, mɔɔ ba bwa peɡre. O waa waa bola laanee kɛŋɔ, “Korowii Domadɛɛɡe cheɡɛ o keame Aesaya nɛɛ bol waa ya naawa be, dɛ kpelaa o ŋɔ. O bolɔ ŋɔ,


Belaa Korowii Domadɛɛɡe ŋɔ Felep be ŋɔ, “La ka so kon waa do kɛ torɔɡo la jwɛh.”


Mɛɛ ɡeloo ó jemɛ wahala bwa waa dɛ ba n waa koeh dɛ́ na.”


Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.


Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.


Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.


Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.


dɛ koh a waa dɛɛ na wa, hale nɛra koh a waa dɛ kpɔ jɔɡrɔre vɔɡ mɛ, dɛ do mɛ dea kɛ wechɔɡ-ɛɛ. Kɛ Korowii waa te, nɛn aa won kpɔ jɔɡrɔre vɔwa.


He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.


Anomanta, Korowii Domadɛɛɡe bolɔ ŋɔ, “Dɛ he no Korowii waa fini naa,


Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ