We-ɛɛla 20:9 - mzwDBL

⁹ Dɛ bonɔɔ bɛl soɡe tokoro ta baa yerɔ Yutikus. Pɔɔl aa bol waa biɡri la, dom lawɛ Yutikus kɛrɛdɛ. Waa dɛ chɔ la, o le tokoro la ta abrɔsane la doa le harɛ. Dɛ ɡɛ dea laanee chɔŋa tooro abrɔsane la deene aa chɔŋra la ta. Baa ɡɔɔro, dɛ o sewɔ.

We-ɛɛla 20:9 ပူးပေါင်းရင်းမြစ်များ

1 Koranar 17:19

Elaeja ŋɔ, “Kpɔ he bie la ba tɛ mɛ,” dɛ lɛ bie la o be, dɛ kpɔɔ kaa abrɔsane doa dea o ɡbaɡba Elaeja aa soɡa la, dɛ kpɔɔ ka bil mpa ta.

Amanesoma Mak Aa Chwera Tɔn 13:36

He bɛ ɡel o ba piɡri heya, dɛ he dɛ chɔ doromi.

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 20:10

Anee Pɔɔl tu harɛ dɛ ka pi o nɛ, dɛ ɡbaaro pɛl o bambile, o berɛ wee. Asɛ Pɔɔl ŋɔ ba be ŋɔ, “He bɛ ɔmɛ, o siwi lole.”

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 20:8

Dɛ abrɔsane bɛl doaa ya cheme, asɛ kandere do bela pirim.