We-ɛɛla 20:35 - mzwDBL

³⁵ N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

We-ɛɛla 20:35 ပူးပေါင်းရင်းမြစ်များ

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Aesaya 35:3

Hé do banɔ la ba bwara aa yɔra la ɡbemba, bá won che kiŋkiŋ.

Matiu 10:8

Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 20:34

He ɡbabir jemɔ kɛŋɔ ɡɛ saŋ maa lɔ he be la, bɔwɔbee n kwee mɔɔ n ne nɛra baa teŋɛ n nɛɛ la ɛɛ dɔ ya komɛlbwa.

We-ɛɛla 20:36

Pɔɔl aa bol waa tonɛ la, o ɡuŋi harɛ, asɛ o ne ba soŋe Korowii.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

2 Kɔrent 11:12

Waa maa dɛ ɛ nɔ, maa a ɛɛ ɡela ba. Mɛɛ dɛɛ ɛ ɡɛɛ, ásɛ nɛra baa dɛ maŋkura ba te ŋɔ tombeŋkpoŋii ya ne baa ɛ la bɛ won dɔ ŋwɛnɛ dɛɛ maŋkura ba te.

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

1 Tesalonika 4:11

Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

3 Jɔn 1:7

dɛkalkɛ Yeesu toma waa ba koh dɛɛ valɛ. Baa suuɡa lɛɛ dɛɛ le nɛra baa wola Korowii waa yaradae la be.