We-ɛɛla 20:31 - mzwDBL

³¹ A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

We-ɛɛla 20:31 ပူးပေါင်းရင်းမြစ်များ

Ɛsekeɛl 3:21

Kɛ dɛ he kah nɛn o wa aa toɡra o no, o ta wechɔɡa ɛɛ yaa, wɛɛ dɔ o nyuu, ásɛ he ɡe dɔ he nyu.”

Matiu 13:25

Jwaana bɛl nɛra bwa aa chɔa la, o dɔm bɛl ɡe iro dɛ ka merɛ kpɔɡchɔɡa ane mea koo la ta, dɛ ir chwa.

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

We-ɛɛla 19:10

Gɛ Sukuu la ta laŋa dɛ kaa hweli Korowii waa tɔpere bɛlbwa la, ba ɛ ɡɛ bene anɛ. Anomanta, Juu tena ne Grik tena ɛɛ dɛ do Eesia harɛ ta bela bwaa no Yeesu waa la.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 20:11

Asɛ Pɔɔl berɛ deeh abrɔsane la dɛ ka di kwa, asɛ o ne ba bol waa la sie ka tel kɛ tɔ aa pera mɔɔ o kaa.

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

1 Kɔrent 4:14

N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.

Felepae 3:18

dɛkalkɛŋɔ nɛra warɔ baa wola ɡɛ ŋwɛnɛ la ta teŋɛ. N fa baɡle ba waa he be kera aŋwɛnɛ bwa, dɛ berɛ dɛɛ baɡle heyaa taraken sinii ne ŋɔ ba ɛ Yeesu Kristo seo waa sewa daɡaɡre la ta la waa dɔm.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

2 Tesalonika 2:5

Haa lii kɛŋɔ n fa aa lɔ he be la dɛ n dɛ baɡle heyaa ɡɛ waa nɔ naa?

2 Tesalonika 3:8

Ya ta nomɛlbwa kondikwaa dii pɛɛpɛɛ. Ya ɛ toma chɔɔ ne jwaana dɛɛ koh kɛrɛdɛ, dɛ bɛ heyaa ha ya kondikwaa wa.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.