We-ɛɛla 20:3 - mzwDBL

³ O di korobie atoro bela mɔɔ dɛ kpɔ o te, dɛ́ fe kpɔ stiimae kaa Siiria harɛ. Waa dɛ kpɔ o te dɛ́ kaa la taa o na kɛŋɔ bela Juu tena dɛ vɔrɔwe dɛ́ lawɔ. Belaa o berɛ laa berɛ kpɔ Makidoonia harɛ dɛ kaa.

We-ɛɛla 20:3 ပူးပေါင်းရင်းမြစ်များ

Ɛsra 8:31

Korobiloɡle, tɔpera fi dɛ anɛ taa ya le bela baa kwi bɔɔ nee ɛɛ palɛ o bini dɛ do Ahava dɛ kaa Jerusalam. Korowii yaa dɛ tomɔ la ja ya nɛ, dɛ tɔ yaa ɡbemɡbe le ya dɔma ne ŋwɛɛra baa sɔh ŋwɛnɛ ta nɔn ta.

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Jeremia 5:26

Wechɔɡ-ɛɛra soɡe n nɛra bini, dɛ chɔ dɛɛ kpa kɛŋɔ nɛra yon harɛ bela dɛɛ lawɛ jumbii, ne bela baa hara dɛɛ lawɛ nɛra ken.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

We-ɛɛla 16:12

dɛ ka che bela kpɔ harɛ kaa Felepae. Dɛ Felepae nɔɔ ɛ Makidoonia be pera bwɛɛre la bwa bwɛjen. Dɛ koojen waa dɛ nyiŋi Rom harɛ laanee dɔ bela. Ya biɡri bela tama.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 20:1

Gbɔɡa la nyoa aa sɔɔhna la, Pɔɔl yerɛ bela asɔre tena la cheme, dɛ do ba ɡbemba, dɛ kal ba, dɛ kaa Makidoonia harɛ.

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

We-ɛɛla 20:2

O kpɔ baah bela bwɛɛre la ta, dɛ bol waa baɡ ba taeh dɛ ja ba, dɛ le bela ba Grik tena harɛ ta.

We-ɛɛla 21:3

dɛ ba le bobɛl dɛ na ekwi bɛl baa dɛ yerɔ Saepros la, dɛ berɛ pa sie weekaŋle harɛbɔr dɛ ka le Siiria harɛ ta, dɛ ka tu Taaya, dɛkalkɛŋɔ dɛ belaa stiimae la ɛɛ ba bone aa lɔ o bini la ne.

We-ɛɛla 25:3

ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo.

2 Kɔrent 1:15

Maa jemɛ he waa ken la, a waa n faa ɛ kɛ mɛɛ ba cha heyaa kera anɛ bwaa la.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

2 Kɔrent 7:5

Yaa ba Makidoonia harɛ ta habɔɔ kwaraa la, ya bwara ta yaa sɔɔhnɛ. Bobɛlbwa yaa kpɔ la, ya ne wahalaa. Dɛ yoi laa nɛra ɛɛ yo yaa kwara naa, dɛ ya ne bambiwɔrɔbaa.

Galaasia 1:21

A habɔɔ la, n la Siiria harɛ ne Silisia harɛ bwɛɛre ane ta.