We-ɛɛla 20:22 - mzwDBL

²² Taraken nɔ, Jerusalamee mɛɛ kaa la, dɛkalkɛŋɔ Korowii Domadɛɛɡe kpɔ bela laŋa do n bambile ta maa wola won vɛh. Dɛ waane ɛɛ puu mɛɛ belaa yaa, maa jemɛ.

We-ɛɛla 20:22 ပူးပေါင်းရင်းမြစ်များ

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

2 Pita 1:14

N jemɔ kɛŋɔ aa biɡri n wur n harɛ nɔ ta bwadabii nɔ ta. Ya Dɔɔ Yeesu Kristo ɡelɔ n jemɛ ɡɛ waa nɔ.

We-ɛɛla 20:16

Yaa dɛ ba la, ya ta Ɛfesos cheɡɛ, dɛkalkɛ dɛ Pɔɔl aa nyin kɛ o ba biɡri Eesia harɛ ta. O dɛ nyin kɛ o won tel Jerusalam warane mɔɔ ba Pɛntekɔs Tɔpejen la tel.

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 17:16

Pɔɔl aa soɡe bwɛjen Atens bela dɛɛ kpa Silas ne Timoti la, o nao kɛ voɡa su bwɛɛ la bwa. Waa na ɡɛ la, o tea bini chɔɡɔ.

Amanesoma Jɔn Aa Chwera Tɔn 18:4

Dɛ Yeesu jemɛ waa aa dɛ ba o nɛɛ chiɡa bwa, anomanta, o leɔ ka chem ba, asɛ dɛ bɔɔ ba ŋɔ, “Ume bɔree hɛɛ nyin ɔ?”

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Luk Aa Chwera Tɔn 12:50

Wahala ane chɔ n sie a chɛ kɛŋɔ bá do mɛ a ta kɛŋɔ ba dɛ sɔ nɛn Korowii ne aa, ba yon doo nee ta la. Dɛ n ta a ɡɛ wahala la nae tonaa, n bambile ta men sɔɔhnɛ.

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.