We-ɛɛla 20:17 - mzwDBL

¹⁷ Pɔɔl cheɡɛ Maeletus kal Ɛfesos asɔre tena nomonome ŋɔ bá ba o be Maeletus.

We-ɛɛla 20:17 ပူးပေါင်းရင်းမြစ်များ

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

Jems 5:14

Dɛ he bini bɛlbwa ɡe bwara dɛ weo waa, ó tomɛ nɛn o ka yerɛ asɔre la bini nomonome, ásɛ ba ba kpɔ noo leɡe o tile Yeesu sɔn ta, dɛ́ soŋe Korowii tɛo.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

3 Jɔn 1:1

Men Nomoa Jɔnee chwerɛ tɔn nɔ, dɛɛ tɛ n dandɛɛɡe Gayos maa koh beŋkpoŋ ya bwa aa ɛa Korowii kasinteŋ waa la ta la, dɛɛ nyin he waa la.

2 Jɔn 1:1

Men Nomoa Jɔnee chwerɛ tɔn nɔ dɛɛ tɛ haah la Korowii aa leo cheɡ dɛ tɛ o te la, ne o bii maa koh beŋkpoŋ ya bwa aa ɛa Korowii kasinteŋ waa la ta dɛɛ nyin ba la. N ɡbo laa dɛɛ nyin ba ɡɛ. Nɛra baa jemɛ Korowii kasinteŋ waa la bwa ɡe jao,

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

We-ɛɛla 16:4

Baa valɛ bwɛɛre la ta dɛɛ kaa la, ba bol koŋkiila Yeesu toroma la ne Jerusalam asɔre tena nomonome la aa baɡla kɛ nɛ́ra ɛɛ ki la waa bela asɔre tena be.

We-ɛɛla 15:23

Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ, “Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.

We-ɛɛla 15:6

Belaa Yeesu toroma la ne asɔre tena nomonome la cheme dɛ nyiŋi waa la ta.

We-ɛɛla 15:4

Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 20:15

Tɔ aa pera la, ya berɔ kpɔ stiimae la le bela dɛ ba chɔ ekwi bɛl baa dɛ yerɔ Keɔs la jwɛh. Tɔ aa pera ja la, ya ba bwɛɛ bɛl baa dɛ yerɔ Samos la ta. Asɛ tɔ aa bera per ja la, ya ba bwɛɛ bɛl baa dɛ yerɔ Maeletus ta.