We-ɛɛla 20:12 - mzwDBL

¹² Ate, nɛra la sie lɛo kohona kɛŋɔ bie la aa ira la, dɛ kpɔɔ kaa dem.

We-ɛɛla 20:12 ပူးပေါင်းရင်းမြစ်များ

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

2 Kɔrent 1:4

On dɛɛ larawe ya bwara ya wenaale bwa ta, ásɛ ya ɡe won che bambisɔɔhna waa tɛ yaa la ta dɛɛ larawe yabala baa lɔ wenaale bɛlbwa soo siwi ta la bwara.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

1 Tesalonika 4:18

Anomanta, hé kpɔ waa nɔ dɛɛ larawe dɔŋa bwara.

1 Tesalonika 3:2

Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,

Ɛfesos 6:22

A waa ɡela n tomɔ he be ásɛ o ba bol ya waa baɡle heya, dɛ́ do heyaa ɡbemba la.

Aesaya 40:1

Korowii haa dɛ tomɔ la ŋɔ, “Hé larawe n nɛra bwara.

We-ɛɛla 20:11

Asɛ Pɔɔl berɛ deeh abrɔsane la dɛ ka di kwa, asɛ o ne ba bol waa la sie ka tel kɛ tɔ aa pera mɔɔ o kaa.

We-ɛɛla 20:13

Ya kaa kpɔ ya stiimae la kaa bwɛɛ bɛl baa dɛ yerɔ Asos la ta. Dɛ ya fe dɛ lii kɛ ya ka kpɔ Pɔɔl Asos bela, dɛkalkɛ dɛ ya ne o vɔrɔwɔ asɛ o ŋɔ wɛɛ kpɔ harɛɛ dɛɛ cheme yaa bela.