We-ɛɛla 2:47 - mzwDBL

⁴⁷ Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 2:47 ပူးပေါင်းရင်းမြစ်များ

Amanesoma Luk Aa Chwera Tɔn 19:48

kɛ ba ta ɡɛ baa ɛ dɛ́ dɔɔ nae, dɛkalkɛŋɔ dɛ o wobol dɛ do nɛra bwa som, baa wola won kaa dɛ́ ɡel o wobol, dɛ che dɛɛ no.

Amanesoma Luk Aa Chwera Tɔn 2:52

Dɛ Yeesu dɛ kpeɡ dɛɛ jemɛ wa, asɛ o we-ɛɛla ɛɛ lɛ Korowii ne nɛra sie.

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

We-ɛɛla 11:24

Dɛ Banabas ɛ nɛndɛɛɡe asɛ Korowii Domadɛɛɡe ɡe so o nɛɛ kpeɡri nɛ. Dɛ o dɛ yarada Yeesu taeh dɛ kpɔ o te tɛo. Anomanta, nɛra charɛ ba liire pirim dɛ ba tomɛ Yeesu.

We-ɛɛla 13:48

Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

We-ɛɛla 14:21

Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la.

We-ɛɛla 16:5

Gɛɛ ba ɛ dɛ won cha bela asɔre tena ba do kpeɡri Yeesu waa baa dɛ yarada la ta, asɛ nɛnfala ɡe baa ja ba nɛɛ tɔpere bɛlbwa.

We-ɛɛla 17:12

Nɛra la kɛrɛdɛ yarada Yeesu dɛ kpɔ ba te tɛo. Grik haahna baa ɛ nɛnjena la kɛrɛdɛ ne ba baala bwa yarada Yeesu.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 4:21

Belaa nomonome la kwaa aah ba kohona ɡwaa loɡla la, dɛ ɡel ba. Ba nao kɛŋɔ ba ŋɔ bá ham ba ŋwɛnɛ bɛlbwa ta naa, nɛra la aa ban sɛh,

We-ɛɛla 4:33

Kpeɡri tenten nee Yeesu toroma la di o seo ta ira la danseɛ. Asɛ Korowii cha ba, dɛ ɡel o nyanyini ba so ba nɛ kohona.

We-ɛɛla 4:4

Nɛra baa lɔ bela dɛɛ no waa la dɛ yaradaa warɔ. Dɛ baala baa yarada waa la lɔ nɛra kaɡboŋa banue.

We-ɛɛla 6:1

A habɔɔ la, Yeesu habɔteŋra aa ba dɛ warɛ la, naɡra baa chole Juu tena baa ɛ hɔɔhra dɛɛ bol Grik wobol la, ne banɔ la baa dɛ bol Juda wobol la baah ta. Dɛ ba dɛ bɔne suuɡa dɛɛ tɛ asɔre tena la tɔpere bɛlbwa. Asɛ Juu tena baa dɛ bol Grik wobol la ŋɔ baa ba te luhaahna tɛ.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

We-ɛɛla 9:35

Nɛra baa lɔ Leda ne Sarɔn bwa na baa la dɛ charɛ ba liire, dɛ teŋɛ Yeesu nɛ.

Tɔn Pɔɔl Aa Chwerɛ Rom Tena 14:18

Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

Tɔn Pɔɔl Aa Chwerɛ Rom Tena 8:30

Anomanta, nɛra Korowii aa tɔ sie lee ba ɡɛ la, o lee ba ŋɔ bá ɛ o toma. Waa lee ba ŋɔ bá ɛ o toma la, o lɛɛ ba kɛ nɛndɛɛɡa ba waa su o siwi, asɛ o tɛɛ ba ŋwɛnɛ kɛŋɔ ba ba so o jwɛh dɛ́ dɔ jirima.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

1 Kɔrent 1:18

O daɡaɡre la ta seo la yaa dɛ bol a waa la ɛ wesale tɛ nɛra baa dɛ nyoɡre. Kɛ ya banɔ la Korowii aa dɛ lɛ yaa la te, ya jemɔ kɛŋɔ Korowii kpeɡri lɔ a ta.