We-ɛɛla 2:40 - mzwDBL

⁴⁰ O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

We-ɛɛla 2:40 ပူးပေါင်းရင်းမြစ်များ

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

Mmarare 32:5

He waa ta kasinteŋ dɔe, he ta chɛɛ kɛ he ɛ o nɛra wechɔɡ-ɛɛra ne nyosonteŋna ɡbo. He kpɔ sihiih kpo he te.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Galaasia 5:3

Hé ɡel n kwaa ŋɔ he be he no kɛrɛdɛ, nomɛlbwa waa ɡela ba teŋe o pen ásɛ o waa su Korowii siwi la, a chɛ kɛ ó teŋɛ Mosis Mmara la bwa ta.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

1 Tesalonika 2:11

He nao ɡɛ yaa do he bini bɛlbwa ɡbemba ɡɛ baa yon dɛɛ ɛ o bii la.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

Amanesoma Jɔn Aa Chwera Tɔn 21:25

Waa Yeesu aa ɛa warɔ taeh. A bwa laa ba chwerɛ do tɔne ta. Dɛ ba fe wono chwerɛ a bwa do tɔne ta naa, a ɡɛ tɔne la fe aa bɔr dɔe ba dɛ́ jo harɛ nɔ ta.

We-ɛɛla 20:11

Asɛ Pɔɔl berɛ deeh abrɔsane la dɛ ka di kwa, asɛ o ne ba bol waa la sie ka tel kɛ tɔ aa pera mɔɔ o kaa.

We-ɛɛla 20:9

Dɛ bonɔɔ bɛl soɡe tokoro ta baa yerɔ Yutikus. Pɔɔl aa bol waa biɡri la, dom lawɛ Yutikus kɛrɛdɛ. Waa dɛ chɔ la, o le tokoro la ta abrɔsane la doa le harɛ. Dɛ ɡɛ dea laanee chɔŋa tooro abrɔsane la deene aa chɔŋra la ta. Baa ɡɔɔro, dɛ o sewɔ.

We-ɛɛla 20:2

O kpɔ baah bela bwɛɛre la ta, dɛ bol waa baɡ ba taeh dɛ ja ba, dɛ le bela ba Grik tena harɛ ta.

We-ɛɛla 15:32

Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Amanesoma Luk Aa Chwera Tɔn 16:28

dɛ́ ka kah n nimanar banue bane baa lɔ bela la ŋɔ, ɡɛ maa ɛa la, ba bɛ ɡɛ ɛ ásɛ dɛ ba bonɔ maa lole dɛɛ na wahala nɔ.’

We-ɛɛla 4:36

Dɛ ba bini bɛl le Lewi dea, ba lolɔ Saepros, asɛ baa yerɔ Josef. Dɛ Yeesu toroma la dɛ yerɔ Banabas. O sɔn la munii “Nɛn waa dɛ do nɛra ɡbemba.”